Paytaxt məktəblərində Anım Günü ilə bağlı tədbirlər keçirilib
Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində 27 Sentyabr - Anım Günü ilə bağlı tədbirlər təşkil olunub.
İdarədən 1news.az-a bildirilib ki, qalibiyyət və vətənpərvərlik ruhunda təşkil edilən tədbirlərdə Vətən müharibəsi şəhidlərinin əziz xatirəsi 1 dəqiqəlik sükutla yad edilib, Anım Günü barədə şagirdlərə ətraflı məlumat verilib.
Bildirilib ki, Prezident İlham Əliyevin 2020-ci il 2 dekabr tarixli Sərəncamına əsasən təsis edilən Anım Günü Vətən müharibəsində qəhrəmancasına döyüşən, ölkəmizin ərazi bütövlüyü uğrunda canlarından keçən əsgər və zabitlərimizə, bütün şəhidlərimizə dərin ehtiramın ifadəsidir.
Tədbirlərdə, həmçinin Vətən müharibəsində qazanılan Qələbədən sonra Qarabağda böyük abadlıq və quruculuq işlərinin başlanması, işğaldan azad edilən torpaqlarımızın yenidən bərpa olunması, dövlətimizin başçısının Sərəncamına əsasən, hər il sentyabrın 20-nin Azərbaycan Respublikasında Dövlət Suverenliyi Günü kimi qeyd edilməsi barədə məlumatlar şagirdlərin diqqətinə çatdırılıb.
Qeyd edək ki, təhsil müəssisələrində şəhidlərin xatirəsinə həsr olunan ağacәkmә kampaniyaları və şəhid ailələri ilə görüşlər də keçirilib. Bundan başqa, şagirdlərin Vətən müharibəsi memorial kompleksinə, Hərbi Qənimətlər Parkı, Şəhidlər xiyabanı və İkinci Fəxri xiyabana ekskursiyaları da təşkil olunub.
