İsmayıllıda antisanitar şəraitdə kəsilmiş 300 kiloqram at əti aşkarlanıb - FOTO | 1news.az | Xəbərlər
Cəmiyyət

İsmayıllıda antisanitar şəraitdə kəsilmiş 300 kiloqram at əti aşkarlanıb - FOTO

1news Redaksiyası17:47 - Bu gün
İsmayıllıda antisanitar şəraitdə kəsilmiş 300 kiloqram at əti aşkarlanıb - FOTO

Qida Təhlükəsizliyi Agentliyinin müfəttişləri İsmayıllı rayonunda polis əməkdaşları ilə birgə qanunsuz heyvan kəsimi və ət satışının qarşısının alınması məqsədilə nəzarət tədbiri keçiriblər.

Bu barədə 1news.az-a AQTA-dan məlumat verilib.

Tədbirlər zamanı Həmzəyev Kamil Rüstəm oğlunun yaşadığı ünvanda baytarlıq-sanitariya və sanitariya-gigiyena normalarının pozularaq antisanitar şəraitdə qanunsuz heyvan kəsiminin təşkil edildiyi müəyyən olunub. Baxış zamanı mənşəyi məlum olmayan, baytarlıq ekspertizasından keçməmiş və kəskin qoxuya malik 300 kiloqrama yaxın at əti aşkarlanıb.

Faktla bağlı qanunvericiliyə uyğun müvafiq tədbirlər görülüb. İstehlaka yararsız ətlərdən nümunələr götürülərək laborator müayinələrə cəlb edilib. Araşdırmalar davam etdirilir.

Paylaş:
41

Son xəbərlər

Bütün xəbərlər