Aşotyan respublikaçıların Paşinyanın komandası ilə müqayisəsini təhqir adlandırıb
Ermənistanın Respublika partiyasının sədr müavini Armen Aşotyan baş nazir Nikol Paşinyanın hökumət proqramının müzakirələrindəki yekun çıxışına münasibət bildirinb.
1news.az erməni mətbuatına istinadla xəbər verir ki, Aşotyan respublikaçılarla Paşinyanın komandasının müqayisəsini təhqir adlandırıb.
"Təəssüf ki, Nikol Paşinyan öz siyasi şəxsiyyətini Serj Sarkisyanın siyasi kapitalına yapışaraq qurmağa davam edir.
Bəli, bizi Nikol Paşinyan və onun komandası ilə müqayisə etməyə cəhd göstərməyin. Bu, bizə təhqirdir.
Yenə də boş ittihamlar, bu, 10 ay ərzində bütün repressiv dövlət vasitələrindən istifadə edib heç bir sübut üzə çıxara bilmədi".
Müzakirələri yekunlaşan və parlamentdə qəbul edilən hökumətin fəaliyyət proqramına toxunan Aşotyan qeyd edib ki, yaxın gələcəkdə Ermənistanda yalnız Nikol Paşinyanın ətrafının həyat şəraiti yaxşılaşmaqda davam edəcək və xalq isə yalnız "özünüzə güvən" prinsipinə sadiq olmaq qalacaq.
Sonda Aşotyan əlavə edib: " Sonda Paşinyan üçün pis xəbər: Siz Aşotyandan qurtula bilməyəcəksiniz. Öz yerinizdə sakit oturuna".
P.S.
