Dünya Xəbər Agentliklərinin Sofiyada keçirilən VI Konqresi işini başa çatdırıb - FOTO | 1news.az | Xəbərlər
Siyasət

Dünya Xəbər Agentliklərinin Sofiyada keçirilən VI Konqresi işini başa çatdırıb - FOTO

19:16 - 14 / 06 / 2019
Dünya Xəbər Agentliklərinin Sofiyada keçirilən VI Konqresi işini başa çatdırıb - FOTO

Bolqarıstanın paytaxtı Sofiya şəhərində Dünya Xəbər Agentliklərinin “Xəbərlərin gələcəyi” devizi altında keçirilən VI Konqresi iyunun 14-də işini panel iclaslarla davam etdirib.

AZƏRTAC xəbər verir ki, Böyük Britaniyanın Press Association agentliyinin baş icraçı direktoru Klayv Marşalın moderatorluğu ilə keçən “Yeni gəlir mənbələri” mövzusunda panel iclasda xəbər agentlikləri üçün əlavə gəlir mənbələrinin tapılmasından danışılıb. Panel iştirakçıları təmsil etdikləri media qurumlarında bu sahədə görülən işlər barədə ətraflı məlumat veriblər. Qeyd olunub ki, bunun üçün xəbər agentlikləri öz xidmət sahələrini genişləndirməli, saytlarda şəkillər vasitəsilə daha çox reklam yerləşdirilməlidirlər. Diqqətə çatdırılıb ki, bu sahədə eksklüziv foto və videoların çəkilişinə də xüsusi diqqət yetirilməlidir və bu, daha böyük gəlir gətirə bilər. Həmçinin xarici ölkələrdə müxbir məntəqələrinin yaradılması da vacibdir, belə ki, bununla xəbərləri həmin müxbirlərin qurduqları əlaqələr vasitəsilə digər informasiya agentliklərinə satmaq olar. Vurğulanıb ki, bu işdə müəllif hüququnun qorunması prinsipinə əsaslanmaq çox vacibdir.

Ərəb Xəbər Agentlikləri Federasiyasının (FANA) baş katibi Fərid Əyyarın moderatorluğu ilə keçən “Feyk xəbərlər” mövzusunda panel iclasda qeyri-obyektiv xəbərlərin yayılmasının qarşısının alınması yolları müzakirə edilib. Panel iştirakçıları təmsil etdikləri xəbər agentliklərində bu istiqamətdə görülən işlərdən danışıblar. Bildirilib ki, oxucuların doğru xəbərlərə ehtiyacları olduğundan, jurnalistlər işlərinə məsuliyyətlə yanaşmalı, yanlış xəbər yaymamalı, informasiya agentlikləri arasında isə güclü əlaqələr qurulmalıdır. Diqqətə çatdırılıb ki, xəbər agentlikləri dəqiqlik, obyektivlik və etibarlılıqla uğur əldə edə bilərlər. Yalnız bu yolla feyk informasiyalara qarşı birgə mübarizə aparmaq olar.

Vurğulanıb ki, feyk xəbərlərə qarşı mübarizə elə sosial şəbəkələrdən başlamalı, orada yerləşdirilən informasiyalar yayılmamışdan əvvəl mütləq diqqətlə yoxlanılmalıdır. Söhbət təkcə yazılı xəbərlərdən getmir, foto və video informasiyaların da doğruluğuna diqqət yetirmək vacibdir.

Sonra tədbir Rusiyanın TASS agentliyinin baş direktorunun birinci müavini Mixail Qusmanınmoderatorluğu ilə “Süni intellekt” mövzusunda panel iclasla davam edib.

Çinin Sinxua agentliyinin Avropa üzrə regional bürosunun baş direktoru Yong Huang xəbər proqramları üçün istifadə etdikləri virtual aparıcılardan danışıb, təqdimatla çıxış edib. Bildirib ki, süni intellektlə yaradılmış bu aparıcılardan agentlik tərəfindən artıq 6 aydır istifadə olunur. Ötən 6 ay ərzində həmin aparıcılar 5100 xəbəri səsləndiriblər.

Digər çıxış edənlər yüksək texnologiyalardan, süni intellektdən istifadə sahəsində qazandıqları uğurlardan bəhs ediblər. Qeyd olunub ki, müasir dövrdə yüksək texnologiyalardan istifadə xəbər agentliklərinin işini xeyli yüngülləşdirməyə imkan yaradır.

Sonra Dünya Xəbər Agentliklərinin VI Konqresinin yekun müzakirələr aparılıb.

Klayv Marşal AZƏRTAC-ın İdarə Heyətinin sədri Aslan Aslanova 2016-2019-cu illərdə Konqresə prezidentliyi dövründə gördüyü işlərə görə dərin minnətdarlığını bildirib. O qeyd edib ki, bu illər ərzində Konqresin nüfuzunun artırılması istiqamətində ciddi addımlar atılıb.

Bununla da Dünya Xəbər Agentliklərinin VI Konqresi işini başa çatdırıb.

X X X

AZƏRTAC-ın İdarə Heyətinin sədri Aslan Aslanov Sofiya Konqresi çərçivəsində İtaliyanın ANSA, Koreya Respublikasının Yonhap, Albaniyanın ATA, İsrailin Tazpet, Monqolustanın Montsame, İndoneziyanın Antara, Səudiyyə Ərəbistanın SPA, Qətərin QNA, Pakistanın PPİ agentliklərinin, habelə “Latın Amerikası Xəbər Agentliyi”nin rəhbərləri, Ərəb Xəbər Agentlikləri Federasiyasının (FANA) baş katibi ilə görüşlər keçirib. Görüşlərdə agentliklər arasında əməkdaşlığın genişləndirilməsinin perspektivləri ətrafında geniş fikir mübadiləsi aparılıb.

X X X

Xatırladaq ki, VI Konqresdə dünyanın 100-ə yaxın ölkəsindən 200-dək aparıcı xəbər agentliyinin rəhbərləri və nümayəndələri, media üzrə beynəlxalq ekspertlər, həmçinin nüfuzlu media qurumlarının təmsilçiləri iştirak ediblər.

Dünya Xəbər Agentliklərinin I Konqresi Rusiyanın TASS agentliyinin təşəbbüsü ilə 2004-cü il sentyabrın 24-25-də Moskvada, V Konqresi isə 2016-cı ildə Heydər Əliyev Fondunun və AZƏRTAC-ın birgə təşkilatçılığı ilə Bakıda keçirilib. AZƏRTAC 2016-2019-cu illərdə Konqresə sədrlik edib. Növbəti üç il ərzində Konqresə Bolqarıstanın BTA agentliyi sədrlik edəcək.

Paylaş:
517

Son xəbərlər

Ölkəmizdə ilk dəfə keçiriləcək Təchizat Zənciri Liderləri Zirvəsinə sayılı günlər qaldı!Bu gün, 18:12Naxçıvanda Ulu Öndərin 101 illiyi və Naxçıvanın 100 illiyi ilə bağlı konfrans keçirilibBu gün, 17:51Dövlət Komitəsi beynəlxalq mükafata layiq görülübBu gün, 17:44Ankarada Azərbaycanla Türkiyə arasında Birgə Hökumətlərarası Komissiyanın iclası keçirilib - YENİLƏNİBBu gün, 17:36İsmail Serageldin Prezidentin fəxri diplomu ilə təltif edilibBu gün, 17:24Milli Məclisin sədri ilə Bolqarıstan Prezidenti arasında görüş keçirilibBu gün, 17:14Cevdet Yılmaz: İşğaldan azad olunmuş ərazilərlə bağlı əməkdaşlığın gücləndirilməsini nəzərdə tuturuqBu gün, 17:03Baş nazir İlham Əliyevin COP-29-a dəvət məktubunuRəcəb Tayyib Ərdoğana təqdim edəcəkBu gün, 16:58Sevinc Fətəliyeva: Azərbaycan Avropanın enerji təhlükəsizliyində mühüm rol oynayırBu gün, 16:51Zaqatalada dönərdən zəhərlənmə ilə bağlı yeni məlumat açıqlandıBu gün, 16:45Lerikdə Birinci Qarabağ müharibəsinin şəhidi dəfn edilib - YENİLƏNİB 1Bu gün, 16:39“Qərbi Azərbaycana qayıdış” olimpiadasının ilkin mərhələsinin nəticələri açıqlanıbBu gün, 16:32Bakının Əhməd Rəcəbli küçəsində nəqliyyatın hərəkəti məhdudlaşdırılacaqBu gün, 16:24Rəhman Hacıyev: “Qarabağın Rəngləri” layihəsi Qarabağın yalnız mədəni dirçəlişinə deyil, həm də fiziki olaraq bərpasına töhfə verirBu gün, 16:20Lənkəranın Şağlasər kəndində Birinci Qarabağ müharibəsinin şəhidi ilə vida mərasimi başa çatıb - YENİLƏNİBBu gün, 16:07Leysan yağacaq, dolu düşəcək - XƏBƏRDARLIQBu gün, 16:06Azərbaycan Prezidenti bolqarıstanlı həmkarını COP29-a dəvət edibBu gün, 16:00Bəzi yerlərdə şimşək çaxıb, leysan yağıb - FAKTİKİ HAVABu gün, 15:58Azərbaycan və Bolqarıstan prezidentlərinin geniş tərkibdə görüşü olub - YENİLƏNİB 1Bu gün, 15:53Azərbaycan və İsrail XİN nümayəndələri görüşübBu gün, 15:48
Bütün xəbərlər