Stokholm metrosunda partlayış zamanı yaralananlardan biri ölüb – YENİLƏNİB
Bu gün Stokholm metrosunda partlayış zamanı yaralanan 60 yaşlı kişi həyatını itirib.
1news.az-ın APA-ya istinadla verdiyi xəbərə görə, bu barədə İsveç polisi məlumat yayıb.
Partlayışda yaralanan 45 yaşlı qadın həmin kişinin həyat yoldaşı olub. Üzündən və ayağından yaralanan qadın xəstəxanaya yerləşdirilib.
Polis qətl və ictimai təhlükəsizliyə qarşı cinayətlə bağlı ilkin təhqiqata başlayıb.
16.28
Stokholmun “Vorbyu qord” metrostansiyasında partlayış baş verib.
1news.az-ın RİA Novosti-yə istinadla verdiyi xəbərə görə, xəsarət alan şəxs yerdən əl qumbarasını qaldırıb.
Nəticədə partlayış baş verib və orta yaşlarında olan kişi ağır bədən xəsarətləri alıb.
Partlayışdan sonra metro və ətrafı polis tərəfindən əhatəyə alınıb.
S.Xankişiyeva
