Deputat: İlham Əliyevin Naxçıvana səfəri zamanı səsləndirdiyi fikirlər çox böyük əhəmiyyət kəsb edir | 1news.az | Xəbərlər
Siyasət

Deputat: İlham Əliyevin Naxçıvana səfəri zamanı səsləndirdiyi fikirlər çox böyük əhəmiyyət kəsb edir

Qafar Ağayev18:02 - 11 / 05 / 2021
Deputat: İlham Əliyevin Naxçıvana səfəri zamanı səsləndirdiyi fikirlər çox böyük əhəmiyyət kəsb edir

"Biz müharibə tərəfdarı deyilik və müharibənin yenidən başlamasını və münaqişənin böyüməsini, alovlanmasını istəmirik".

1news.az xəbər verir ki, bunu millət vəkili Naqif Həmzəyev Prezident İlham Əliyevin Naxçıvan Muxtar Respublikasında çıxışı zamanı verdiyi mesajları şərh edərkən deyib.

Deputat qeyd edib ki, Azərbaycan daimi sülhü dəstəkləyir və bu səbəbdən də real addımlar atmaqdadır.

"Lakin təəssüflər olsun ki, qarşı tərəf hələ də revanşist fikirlərlə yaşayır və qisas almaq ümidini özlərində saxlayırlar. Bütün bunların fonunda Prezident İlham Əliyevin Naxçıvana səfəri zamanı oradan səsləndirdiyi fikirlər çox böyük əhəmiyyət kəsb edir. Ümid edirik ki, Ermənistan tərəfi oradan verilən mesajlardan, cənab Prezidentin dediklərindən nəticə çıxaracaq və öz öhdəliklərini qısa müddətdə yerinə yetirməyə başlayacaqlar".

Deputat bildirib ki, 30 ilə yaxın müddət ərzində sülh yolu ilə həll olunması arzu olunan münaqişənin həll edilməməsinin əsas səbəbləri ikili standartlar, beynəlxalq təşkilatların qarşı tərəfə - Ermənistana lazımi təzyiqləri etməməsi və beynəlxalq hüquqla qəbul olunan qətnamələrin yerinə yetirilməməsi ilə bağlıdır:

“Ancaq Azərbaycan Ordusu 44 günlük Vətən müharibəsi ərzində bunu etdi, düşməni, erməni terrorçularını və faşistlərini bu ərazilərdən qova bildi və Azərbaycanın ərazi bütövlüyünü bərpa etdi. İkinci Qarabağ müharibəsində Naxçıvan da fəal iştirak etdi və bütövlükdə ölkə hüdudlarının müdafiə edilməsində mühüm rol oynadı. Vətən müharibəsində Naxçıvanda dislokasiya olunmuş hərbi hissələrin hərbçiləri misilsiz fədakarlıq və şücaət nümayiş etdirdilər. Naxçıvana ən müasir, ən son texnologiyaya əsaslanmış hərbi texnikaların gətirilməsi isə Muxtar Respublikanın müdafiə potensialının möhkəmlənməsi işinə böyük töhfədir”.

N.Həmzəyev qeyd edib ki, tarixi Zəfər nəticəsində yeni nəqliyyat dəhlizinin açılması hesabına Naxçıvan Muxtar Respublikasının 30 illik blokadasına son qoyulacaq: “Qarabağ Zəfəri qədər bizim üçün ən böyük nailiyyətlərdən biri də Zəngəzur dəhlizinin işə düşməsi idi və bu dəhlizin fəaliyyətə başlaması üçün Azərbaycan lazımi addımları atır, yolların bərpası üçün real işlər görülür. Amma təəssüf ki, qarşı tərəf müəyyən dərəcədə bu prosesi ləngitməyə çaışır. Həm də Qarabağda minalanmış ərazilərin xərtiəsini verməkdə gecikirlər və xəritəni təqdim etmək istəmirlər. Həmçinin Zəngəzur dəhlizinin fəaliyyətə başlaması üçün bəhanələr ortaya atırlar. Ancaq istənilən halda unutmamalıyıq ki, Azərbaycan öz ordusunun gücünü və potensialını günü-gündən artırır. Çox böyük təcrübəyə malik Azərbaycan Ordusu hər an bölgədə baş verə biləcək istənilən təxribatın qarşısını almağa və düşmənə yenidən ağır zərbə endirməyə hazırdır. Bu baxımdan da dövlətimiz öz ordusunun qüdrətini artırmaqla paralel olaraq, hərbi xərcləri daha da artırır. Məqsəd odur ki, Azərbaycan həmişə güclü olmalıdır, dövlətimiz regionda ən güclü orduya sahib ölkədir və bu uğuru gələcəkdə də qoruyub saxlamalıdır. Bütün bunlar olacağı təqdirdə, qarşı tərəf bizim diktəmizlə yaşamağa məhkumdur. Əks təqdirdə, düşmən yenidən xarici qüvvələrin təsiri ilə bəzi xəyallara qapıla bilər və Azərbaycana qarşı hansısa terror və hərbi cinayətlər törədə bilər”.

Millət vəkilinin sözlərinə görə, Ermənistan reallığı gec-tez anlayacaq və onlar Ali Baş Komandan, Prezident İlham Əliyevin rəhbərliyi altında Azərbaycan Ordusunun nələrə qadir olduğunu dərk edirlər və həmişə də bunu nəzərdə saxlayacaqlar: "Düşmənin edəcəyi hansısa bir səhv mütləq ki, yenidən dəmir yumruğun başlarına dəyəcəyini anlamağa onlatı məcbur edəcək. İstənilən halda, Azərbaycan diktə edən tərəfdir, Ermənistan isə reallıqları dərk etməsə, öz müstqəilliklərini şübhə altına salmış olacaqlar. Ermənistanın tək çıxış yolu Azərbaycan və Türkiyə ilə dostluq əlaqələrini qurmaq və götürdüyü öhdəliklərə uyğun olaraq kommunikasiya xətlərinin bərpası üçün özləri tərəfindən etməli olduğu addımları qısa müddətdə atmaq və region dövlətlərinə qarşı ərazi iddialarından əl çəkməkdir. Bunları edəcəyi təqdirdə, Ermənistan regionda öz inkişaflarını təmin etmiş olacaq, əks təqdirdə isə onlar özlərini təcriddə saxlayacaqlar. Bu isə Ermənistanın məhvinə gətirib çıxara bilər”.

Paylaş:
541

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər