Mədinə Əliyeva: “Yağan qar kənd təsərrüfatı məhsulları üçün olduqca əlverişlidir”
Ötən gündən başlayaraq Azərbaycanın bir çox bölgələrinə qar yağıb. Ümumiyyətlə isə regionlarda son vaxtlar havanın qarlı keçməsi əkin sahələrində gələcək məhsuldarlığın xəbərvericisidir".
Bunu 1news.az-a açıqlamasında Azərbaycan Toxumçular Assosiasiyasının sədri Mədinə Əliyeva deyib.
O, bildirib ki, “Yağan qar kənd təsərrüfatı məhsulları üçün olduqca əlverişlidir”r.
"Qar torpağın nəmliyini artırır, zərərvericiləri öldürür. Payızlıq taxıl bitkilərindən xüsusilə arpa və buğdaya gübrə verilir. Quraqlıq hallarda bu gübrə torpağa yaxşı hopmur, lakin qar yağıb torpaqda nəmlik yarandıqda həmin gübrələr torpağın komplekslərinə qarışır və bitki üçün mənimsənilən hala düşür".
M.Əliyeva əlavə edib ki, qar qış şumu aparılan sahələrdə alaq otaqlarını qidalandırır və inkişafını sürətləndirir.
"Bu da növbəti şum aparılan zaman alaq otlarının məhv olmasına gətirib çıxarır. Bununla yanaşı təsərrüfatdakı ziyanvericiləri məhv edən qar və şaxtalı hava, gələcəkdə yarana biləcək xəstəliklərin də qarşısını alır".
