Yunanıstanda qatar qəzası nəticəsində ölənlərin sayı 32 nəfərə çatıb - FOTO - YENİLƏNİB
Yunanıstanın şimalında yerləşən Larisa şəhərinin Tempi bölgəsində sərnişin qatarı ilə ilə yük qatarının toqquşması nəticəsində həlak olanların sayı 32 nəfər çatıb.
1news.az xarici KİV-lərə istinadən xəbər verir ki, bu barədə ölkənin Yanğınsöndürmə Xidmətinin sözçüsü Vasilis Vatrakoyannis bildirib.
Onun sözlərinə görə, hadisə nəticəsində yaralanan 85 hospitala yerləşdirilmişdi: “Onlardan 53-nün müalicəsi stasionar şəraitdə davam edir”.
***
09:38
Yunanıstanın şimalında yerləşən Larisa şəhərinin Tempi bölgəsində sərnişin qatarı ilə yük qatarı toqquşub.
1news.az Türkiyə KİV-lərinə istinadən xəbər verir ki, sərnişin qatarının bəzi vaqonların reysdən çıxdığı qəzada 29 nəfər ölüb, 85 nəfər isə yaralanıb.
Qəzadan sonra qatardakı sərnişinlər avtobuslarla Selanik, Larisa və Katerini şəhərlərinə aparılıb.
Afinadan Selanikə getməkdə olan IC 62 tipli qatarda 350 olub.
Qəza yerindən xilasetmə işləri davam edir.
