İlham Əliyev: Metsamor AES bütün region üçün böyük nüvə təhlükəsi yaradır

Ermənistanda fəaliyyət göstərən Metsamor Atom Elektrik Stansiyası Azərbaycana, Türkiyəyə, Ermənistana və bütün regiona böyük nüvə təhlükəsi yaradır.

1news.az xəbər verir ki, bunu Azərbaycan Prezidenti İlham Əliyev Atom Enerjisi üzrə Beynəlxalq Agentliyin (AEBA) Baş direktoru Rafael Mariano Qrossini qəbul edərkən bildirib.

Nüvə təhlükəsizliyi probleminə toxunan dövlətimizin başçısı Metsamor Atom Elektrik Stansiyasının köhnə texnologiya ilə işlədiyini və ciddi texniki problemlərinin olduğunu diqqətə çatdırıb. Azərbaycan Prezidenti, həmçinin Metsamordan qaynaqlanaraq bəzi nüvə materiallarının qanunsuz ticarətinin aparılmasının narahatlıq doğurduğunu vurğulayıb.