Bakı-Balakən qatarının yola düşmə vaxtı dəyişdirilib

“Azərbaycan Dəmir Yolları” QSC (ADY) Bakı-Balakən-Bakı marşrutundan istifadə edən sərnişinlərin daha rahat minib-düşməsini təmin etmək üçün hərəkət cədvəlində müəyyən tənzimləmələr tətbiq edib.

1news.az bu barədə səhmdar cəmiyyətinə istinadən xəbər verir.

Bildirilir ki, stansiya və dayanacaqlarda qatarların dayanma müddəti artırılıb.

Bununla yanaşı, bu xətt üzrə Balakəndən Bakı istiqamətində hərəkət edən qatarın yola düşmə vaxtı 22:10-dan 22:00-a dəyişdirilib.