Avstriya-Azərbaycan Mədəniyyət və İş Adamları Dərnəyinin rəsmi açılışı olub | 1news.az | Xəbərlər
Cəmiyyət

Avstriya-Azərbaycan Mədəniyyət və İş Adamları Dərnəyinin rəsmi açılışı olub

09:15 - 13 / 11 / 2019
Avstriya-Azərbaycan Mədəniyyət və İş Adamları Dərnəyinin rəsmi açılışı olub

Noyabrın 12-də Vyanada Avstriya-Azərbaycan Mədəniyyət və İş Adamları Dərnəyinin (AZER-DER) rəsmi açılışı keçirilib.

1news.az-ın AZƏRTAC-a istinadən verdiyi xəbərə görə, Azərbaycan Respublikasının Diasporla İş üzrə Dövlət Komitəsinin sədri Fuad Muradov, ölkəmizin Avstriyadakı səfiri Qalib İsrafilov, Türkiyənin Vyana şəhərindəki baş konsulu Asip Kaya, türkdilli ölkələrin səfirliklərinin təmsilçiləri, Azərbaycan və türk diaspor fəalları, Avstriya ictimaiyyətinin nümayəndələri iştirak ediblər.

Fuad Muradov çıxışında xaricdə yaşayan soydaşlarımızın təşkilatlanmasında mədəniyyət mərkəzləri və Azərbaycan evlərinin əhəmiyyətini xüsusilə qeyd edib. Həm soydaşlarımızın bir araya gəlməsi və milli-mədəni dəyərlərin yaşadılmasında, həm də yerli ictimaiyyətə Azərbaycan haqqında həqiqətlərin çatdırılmasında bu kimi mərkəzlərin gələcəkdə daha mühüm rol oynayacağına ümid ifadə olunub. Azərbaycanın ən ağrılı problemi – Azərbaycan torpaqlarının qonşu Ermənistan tərəfindən işğal edilməsi və Qarabağ haqqında gerçəklərin dünya ictimaiyyətinə çatdırılması işində diaspor fəallarına uğurlar arzulanıb.

Türkdilli Dövlətlərin Əməkdaşlıq Şurasının VII Zirvə Görüşünün ötən ay Bakıda keçirildiyini diqqətə çatdıran F.Muradov türkdilli ölkələrin xaricdəki diaspor təşkilatları arasında əməkdaşlığın əhəmiyyətini vurğulayıb.

Azərbaycanın Avstriyadakı səfiri Qalib İsrafilov Avstriyadakı Azərbaycan diasporunun aparıcı qüvvələrindən biri olan bu təşkilatın fəaliyyətindən bəhs edib. O qeyd edib ki, bu təşkilat təkcə Azərbaycan icmasının deyil, eyni zamanda, türkdilli ölkələrdən Avstriyada yaşayan insanların sevimli məkanıdır. Burada tez-tez müxtəlif səpkili tədbirlər, milli bayramları, uşaq və böyüklər üçün kurslar təşkil olunur. O, təşkilatın rəhbəri Yardım Günəşə və təşkilatın fəallarına bu missiyada uğurlar arzulayıb.

Türkiyənin Vyana baş konsulu Asip Kaya Azərbaycan və türk diasporlarının daim bir arada fəaliyyət göstərməsindən məmnunluq ifadə edərək, Vyana şəhərində də diaspora təşkilatları arasında sıx əməkdaşlığın mövcud olduğunu bildirib.

Tədbirin yekununda Azərbaycan Respublikasının Diasporla İş üzrə Dövlət Komitəsinin sədri Fuad Muradova diaspor təşkilatı və Azərbaycan icmasının adından xatirə hədiyyəsi təqdim edilib.

1news.az

Paylaş:
593

Son xəbərlər

“For Azerbaijan” Beynəlxalq Xeyriyyə Təşkilatının elan etdiyi qrant müsabiqəsində 82 layihə təklifi qəbul edilibBu gün, 14:39Milli Məclisin 29 martda keçiriləcək iclasının gündəliyi açıqlandı - SİYAHIBu gün, 14:36“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 14:25AYNA xəbərdarlıq edir: Taksi sürücülərinin təlimlərdə əyani iştirakı mütləqdir!Bu gün, 14:15Kamaləddin Qafarov: “Azərbaycan-Gürcüstan əməkdaşlıq əlaqələri yeni sahələri əhatə edəcək”Bu gün, 14:10Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24
Bütün xəbərlər