1news.az

Çubaysdan Zaxarovaya: Bizim zamanda ciddi söhbətləri küçə arqumentləri ilə əvəzləmək qəbul olunmurdu

21 Yanvar saat 12:44 ~ 1 dəqiqəlik oxu 228
Çubaysdan Zaxarovaya: Bizim zamanda ciddi söhbətləri küçə arqumentləri ilə əvəzləmək qəbul olunmurdu

Rusiya baş nazirinin sabiq müavini, hazırda "Rosnano" şirkətinin rəhbəri  Anatoli Çubays Rusiya XİN-in rəsmi nümayəndəsi Mariya Zaxarovanın enerji istehlakı normaları və digər səhv addımları ilə bağlı  ittihamlarına cavab verib.

1news.az Rusiya mətbuatına istinadla xəbər verir ki,  Çubays səhvlərin olduğunu inkar etməyib, lakin komandasının sayəsində iqtisadiyyatda ümumi vəziyyətin yaxşılaşdığını bildirib.

O əlavə edib ki, o, 20 ildir məmur vəzifəsini tutmur, Zaxarova isə dövlət qulluqçusudur:

“Zaxarova 90-cı illərdə hansı vəziyyətin olduğunu xatırlamır: "taxta rubl" qeyri-konvertasiya olundu, sahibkarlıq fəaliyyəti cinayət hesab edilirdi.

Bazar iqtisadiyyatı yaradıldıqdan, konstitusiya təsdiqləndikdən sonra ölkədə vəziyyət yaxşılaşmağa başladı. Rusiyanın vətəndaş müharibəsi ərəfəsində olmasına baxmayaraq”.

Çubays deyib ki, onun zamanında "populist ritorikaya girmək və ciddi söhbətləri küçə arqumentləri ilə əvəz etmək" qəbul olunmurdu. 

Zaxarovanın çeklərlə bağlı dediklərinə gəlincə, Çubays deyib ki, qoy bu barədə valideynlərindən soruşsun.

Çubays özü bu çeki uğursuz istifadə edib və bunun səhvlərindən biri olduğunu etiraf edib.

Qeyd edək ki, Zaxarova açıqlamasında islahatçının ruslarının vəziyyətinə görə məsuliyyət daşıdığını bəyan edib. Xatırladaq ki, Çubays Rusiyada özəlləşdirməyə məsul şəxs olub.

P.Sultanova

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net