Lerikdə Birinci Qarabağ müharibəsinin şəhidi dəfn edilib - YENİLƏNİB 1
Birinci Qarabağ müharibəsində itkin düşmüş hesab olunan şəhid Müşfiq İlyas oğlu Cəfərovla Lerik rayonunun Monidigah kəndində keçirilən vida mərasimi başa çatıb.
1news.az-ın “Report”a istinadən məlumatına görə, şəhidin nəşi Monidigah kənd qəbiristanlığında dəfn olunub.
Dəfn mərasimində şəhidin doğmaları, Lerik Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
16:36
Birinci Qarabağ müharibəsində itkin düşmüş hesab olunan şəhid Müşfiq İlyas oğlu Cəfərovla Lerik rayonunun Monidigah kəndində keçirilən vida mərasimi başa çatıb.
1news.az-ın “Report”a istinadən məlumatına görə, şəhidin nəşi dəfn olunmaq üçün Monidigah kənd qəbiristanlığına aparılır.
16:22
Beyləqan rayonunun Şəfəq qəsəbəsində yerləşən "Peyğəmbərlik" qəbiristanlığında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Müşfiq İlyas oğlu Cəfərovun meyitinin qalıqları Lerik rayonuna gətirilib.
1news.az-ın “Report”a istinadən məlumatına görə, şəhidin nəşi rayonun Monidigah kəndində ailəsinə təhvil verilib.
Hazırda kənddə şəhidlə vida mərasimi keçirilir.
Qeyd edək ki, Müşfiq İlyas oğlu Cəfərov 1974-cü il aprelin 13-də anadan olub. O, 1994-cü ilin yanvarın 26-da Füzuli rayonunun Aşağı Əbdürrəhmanlı kəndi ərazisində itkin düşüb.
M.Cəfərov Monidigah kənd qəbiristanlığında dəfn olunacaq.
