1news.az

Ronalduya “Əfsanə” mükafatı verildi - FOTO

31 İyul saat 12:49 ~ 1 dəqiqəlik oxu 164
Ronalduya “Əfsanə” mükafatı verildi - FOTO

"Yuventus"un futbolçusu Kriştianu Ronaldu İspaniyada mükafatlandırılıb.

1news.az goal.az-a istinadən xəbər verir ki, portuqaliyalı hücumçu "Marca" qəzetinin təsis etdiyi "Əfsanə" mükafatına layiq görülüb. Bu mükafat idmançının karyerası zamanı ümumi nəaliyyətlərinə görə verilir.

Mükafatlandırma mərasimində 34 yaşlı oyunçunun agenti Jorje Mendeş və sabiq klubu "Real"ın prezidenti Florentino Peres də iştrak edib. Tədbirdə klub rəhbərinin Ronaldu ilə qucaqlaşması da diqqətdən yayınmayıb.

Mərasim zamanı Ronaldu deyib: "Bu mükafatı muzeyimə fəxrlə qoyacağam. Madrid mənim üçün xüsusi şəhərdir. Mən çoxlu səyahət edirəm, amma bu cür şəhər dünyada azdır. Mükafatı əsasən, Real-dakı çıxışım sayəsində qazandım. Bu, ispan mükafatıdır. Buna layiq görülmək mənim üçün şərəfdir. Bunu əldə etmək üçün mənə kömək edən hər kəsə təşəkkür edirəm. Tezliklə Madridə qayıdacağıma ümid edirəm".

Qeyd edək ki, "Marca" bu mükafatı 1997-ci ildən verir. Daha əvvəl onu Lionel Messi, Dieqo Maradona, Maykl Felps, Mixael Şumaxer, Maykl Cordan, Pau Qazol və başqaları qazanıb.

1news.az 

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net