Bakının tıxac PROBLEMİ – Qarşısını almaq üçün hansı addımlar atılmalıdır? | 1news.az | Xəbərlər
Cəmiyyət

Bakının tıxac PROBLEMİ – Qarşısını almaq üçün hansı addımlar atılmalıdır?

16:10 - 16 / 09 / 2020
Bakının tıxac PROBLEMİ – Qarşısını almaq üçün hansı addımlar atılmalıdır?

Karantin rejimin yumşaldılması ilə Bakıda tıxaclar müşahidə olunmağa başlanıb.

Paytaxt küçələrində tıxacların digər səbəbi məktəblərin açılmasıdır. Belə ki,  Bakı, Sumqayıt şəhərləri və Abşeron rayonunun ümumi təhsil müəssisələrinin fəaliyyəti əyani olaraq həftədə 2 dəfə, digər şəhər və rayonlarda isə əyani formada həftədə 3 dəfə xüsusi tədris planlarına uyğun təşkil olunacaq.

Ümumi təhsil müəssisələrində dərs məşğələləri I-IV siniflərdə sentyabrın 15-dən əyani və distant (məsafədən), V-IX siniflərdə sentyabrın 15-dən distant, oktyabrın 1-dən əyani və distant (məsafədən), X-XI siniflərdə sentyabrın 15-dən distant, oktyabrın 15-dən əyani və distant (məsafədən) formalarda başlayıb. Məktəblərin açılması xüsusilə Bakı şəhərində tıxacların yaranmasına səbəb olur. Ötən gün ilk dərs günündə məktəblərin açılmasının nəqliyyatın hərəkətinə necə təsir etdiyini gördük. Əlbəttə, dünyanın bütün böyük şəhərlərində olduğu kimi Bakıda da tıxacların olması gözləniləndir. Bu günə qədər Bakıda tıxacların qarşısını almaq üçün bir çox addımlar atılıb.

Bəs görəsən atılan addımların hansısa təsirləri olubmu? Ümumiyyətlə tıxacların qarşısını almaq üçün hansı addımlar atılmaldır?

Məssələ ilə bağlı 1news.az-a danışan yol hərəkəti qaydaları üzrə ekspert, hüquqşünas Ərşad Hüseynov deyib ki, tıxacın aradan qaldırılması üçün kompleks işlər görülməlidir.

“İlk növbədə ictimai nəqliyyat inkişaf etdirilməlidir, tıxac probleminin həlli ilə bağlı bütün açarlar oradadı. Elə edilməlidir ki, əhalinin böyük əksəriyyəti öz mobillik ehtiyaclarını ictimai nəqliyyatın hesabına ödəsin. Ona görə də hər yerdə, hamı üçün əlçatan, səmərəli, rahat, təhlükəsiz, mədəni, yəni yüksək keyfiyyətli xidməti olan ictimai nəqliyat  olmalıdır. İctimai nəqliyyat problemi olmadan heç kim tıxacın qarşısını ala bilməz”.

"Velosiped nəqliyyat vasiyəsi kimi"

Ekspert bildirib ki, növbəti mərhələdə velosipedi real nəqliyyata çevirmək lazımdı.

“Velosiped yalnız əyləncə üçün deyil, eyni zamanda işə gedib-gəlmək üçün nəqliyyat vasitə kimi də istifadə edilməlidir. Bundan başqa çox ciddi məskunlaşma problemi var. Şəhərin bəzi yerlərində binalar tikilir, bəzi yerlər beton cəngəlliyə çevrilir, heç bir yol infrastrukturu nəzərə alınmır, parklanma yerləri yoxdu. Təkcə yaşayış binaları deyil, iaişə obyekləri də var. Həmin insanlar tıxac yaranmasına səbəb olurlar. Bu istiqamətlərdə işlər görmək lazımdı. Amma ən başlıcası ictimai nəqliyyatdır. Son dövrlərdə pandemiya ilə əlaqədar ictimai nəqliyyatın populyarlığı biraz da aşağı düşdü. Camaat ictimai nəqliyyatdakı riskdən qorxur deyə, baxmayaraq ki, məktəblər tam fəaliyyət göstərmir, bəzi məhdudiyyətlər var, amma yenə də tıxaclar yaranır”.

Ə.Hüseynovun sözlərinə görə, tikinti, məskunlaşma məsələlərindəki problemlər aradan qaldırılmalıdır.

“Yoxsa nə “Sarı tor”, nə körpü tıxacın qarşısını ala bilməz. Bütün işlər sistemli şəkildə həyata keçirilməlidir. Bu gün ictimai nəqliyyat üçün ayrıca yol yaradılsa belə, bunun elə də faydası olmayacaq. Bütün bu işlər bir-birinə bağlı olaraq inkişaf edilməlidir, marşrutların sayı artırılmalıdır, normalar üzrə tam əlçatımlılıq təmin olunmalıdır,xidmət keyfiyyəti yüksəldilməlidir, insanlar ictimai nəqliyyata etibat etməlidir. Bütün bunlarla bərabər, ayrıca zolaqlara da ciddi ehtiyac var. İmkan daxilində ictimai nəqliyyatı inkişaf etdirmək lazımdır”.

Qafar Ağayev

Paylaş:
1035

Son xəbərlər

Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58DYP hərəkət iştirakçılarına hava ilə bağlı müraciət edibBu gün, 08:51Bakının bir sıra yollarında tıxac yaranıbBu gün, 08:44Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48Cənubi Qafqazın sülh təşəbbüskarları18 / 03 / 2024, 16:34“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34
Bütün xəbərlər