Səudiyyə Ərəbistanında yeni həbslər: 11 şahzadə saxlanılıb

Səudiyyə Ərəbistanının kral qvardiyası sarayda etirazlarla əlaqədar 11 şahzadəni saxlayıb.

1news.az-ın RİA Novosti-yə istinadla verdiyi xəbərə görə, kral ailəsinin üzvləri kral Salman bin Əbdül Əziz əl-Səudun şahzadələrin su və elektrik hesablarının ödənilməsinin dayandırılması barədə qərarına etiraz edərək bunun ləğv olunmağını tələb ediblər.

Şahzadələr üç il öncə baş vermiş cinayətdə ittiham olunan əmisioğulları üçün pul təzminatı da əldə etmək istədiklərini bəyan ediblər. Etiraz edən şəxslər sarayı tərk etməkdən imtina etdikləri üçün kral qvardiyası onları saxlayıb.

Şahzadələr “Əl-Hayr” həbsxanasında saxlanılırlar.

S.Xankişiyeva