Zakir Həsənov Azərbaycan Ordusunu təbrik edib | 1news.az | Xəbərlər
Siyasət

Zakir Həsənov Azərbaycan Ordusunu təbrik edib

S.Xankişiyeva14:15 - 11 / 05 / 2021
Zakir Həsənov Azərbaycan Ordusunu təbrik edib

Müdafiə naziri, general-polkovnik Zakir Həsənov Ramazan bayramı münasibətilə Azərbaycan Ordusunun şəxsi heyətini təbrik edib.

1news.az-ın verdiyi xəbərə görə, təbrikdə deyilir:

“Cənab zabitlər, yoldaş gizirlər, miçmanlar, kursantlar, çavuşlar, əsgərlər, matroslar və mülki işçilər!

Dünya müsəlmanlarının mənəvi birlik və həmrəylik, bərabərlik rəmzi olan Ramazan bayramı münasibətilə Sizi ürəkdən təbrik edir, müqəddəs və şərəfli xidmətlərinizdə uğurlar arzulayıram.

Hər il ölkəmizdə dövlət səviyyəsində ümumxalq bayram kimi qeyd olunan Ramazan bayramı insanlar arasında bərabərliyi, birliyi daha da gücləndirir, cəmiyyətimizdə milli-mənəvi dəyərlərə möhkəm bağlılığın, humanizmin, xeyirxahlıq və mərhəmət duyğularının təntənəsini özündə təcəssüm etdirir.

Ümummilli Lider Heydər Əliyev müstəqil Azərbaycana rəhbərliyi dövründə dövlət quruculuğu siyasətində azərbaycançılıq məfkurəsini, milli-mənəvi dəyərlərimizi yüksək tutaraq adət və ənənələrimizin qorunub saxlanmasını reallığa çevirdi. Ulu Öndərin siyasi kursunun layiqli davamçısı Prezident cənab İlham Əliyevin apardığı uğurlu xarici və daxili siyasət nəticəsində dövlətçiliyimizin iqtisadi dayaqları möhkəmlənərək, Azərbaycan demokratik dövlət quruculuğu prosesində böyük nailiyyətlər qazanıb. Ölkəmizin müdafiə qüdrəti gündən-günə artaraq, daha da güclənib. Bu gün müstəqil Azərbaycanımızın adı dünyanın ən inkişaf etmiş dövlətləri sırasında inamla çəkilir.

Ötən il sentyabrın 27-də Müzəffər Ali Baş Komandanın rəhbərliyi altında erməni silahlı birləşmələrinin törətdiyi təxribatlara qarşı ordumuzun başladığı uğurlu əks-həmlə əməliyyatlarında 44 günlük Vətən müharibəsində əsgər və zabitlərimizin göstərdiyi qəhrəmanlıqlar, fədakarlıq nümunələri sayəsində 30 ilə yaxın düşmən işğalında qalan tarixi torpaqlarımız azad edildi. Ali Baş Komandanın müdrik və uzaqgörən siyasəti, eyni zamanda ordumuzun gücü sayəsində Azərbaycanın ərazi bütövlüyü bərpa olundu. Rəşadətli Azərbaycan Ordusunun işğaldan azad etdiyi tarixi torpaqlarımızda indi üçrəngli bayrağımız əzəmətlə dalğalanır.

Respublikamızın suverenliyi, ərazi bütövlüyü uğrunda gedən döyüş əməliyyatları zamanı canlarından keçən şəhidlərimizin əziz xatirəsini dərin hörmət və ehtiramla yad edir, onların valideynlərini, ailələrini, Vətən uğrunda sağlamlığını itirən döyüşçülərimizi, veteranları, şəxsi heyəti bayram münasibətilə təbrik edir, hər birinizə möhkəm cansağlığı, xoşbəxtlik, ailə səadəti və xidmətinizdə uğurlar arzulayıram.

Əminəm ki, Azərbaycan Respublikasının Konstitusiyasına, Hərbi Anda və Nizamnamələrə bundan sonra da sadiq qalacaq, döyüş və mənəvi-psixoloji hazırlığınızı daha da artıraraq Ali Baş Komandanın əmr və tapşırıqlarını ən yüksək səviyyədə yerinə yetirilməsinə nail olacaqsınız.

Sizi müqəddəs Ramazan bayramı münasibətilə bir daha ürəkdən təbrik edir, hər birinizə möhkəm cansağlığı, uzun ömür, ailə səadəti və şərəfli xidmətinizdə nailiyyətlər arzulayıram. Ramazan bayramı həyatınıza əmin-amanlıq, firavanlıq, süfrələrinizə bol ruzi, bərəkət, gətirsin.

Bayramınız mübarək olsun!

Paylaş:
121

Son xəbərlər

Dolların sabaha olan rəsmi məzənnəsi açıqlanıb22 / 06 / 2021, 18:06“Anadolu Qartalı-2021” təlimi başlayıb - Azərbaycan hərbçiləri də iştirak edir - FOTO22 / 06 / 2021, 17:50Türkiyə COVID-19-a qarşı peyvənd istehsal edəcək22 / 06 / 2021, 17:43Novxanı çimərliyində “avtoşluq” edən “Niva” sürücüləri saxlanıldı - VİDEO22 / 06 / 2021, 17:40Fulya Öztürk: Bu film məndən yox, Qarabağ müharibəsindən bəhs edir - VİDEO22 / 06 / 2021, 17:31Azərbaycanda yeni Nəbatat bağı salınacaq22 / 06 / 2021, 17:20Azad edilmiş ərazilərə qanunsuz keçməyə cəhd edən 3 nəfər saxlanıldı22 / 06 / 2021, 17:05Toylarda sərinkeşlərdən istifadə qadağan edildi22 / 06 / 2021, 16:57Vurulan vaksinlərin sayı 3 milyonu keçdi - STATİSTİKA22 / 06 / 2021, 16:39Azərbaycanda 22 iyuna olan koronavirus statistikası açıqlandı22 / 06 / 2021, 16:33Qüdsdə İsrail polisi ilə toqquşmalarda 20 fələstinli yaralanıb22 / 06 / 2021, 16:20Ceyhun Bayramov Qulam İshaqzai ilə görüşüb22 / 06 / 2021, 15:43“Məşğulluq marafonu”na artıq 123 işəgötürən qoşulub, 388 vakansiya təqdim edilib22 / 06 / 2021, 15:33Daha bir avtobusda ödəniş kartla olacaq22 / 06 / 2021, 15:24Şuşa Şəhəri Dövlət Qoruğu İdarəsi yaradılır - FƏRMAN22 / 06 / 2021, 15:21“Azərbaycanın mədəniyyət paytaxtı – Şuşa şəhəri haqqında” Qanun təsdiqləndi22 / 06 / 2021, 15:08Energetika Nazirliyinin işçilərinin say həddində dəyişiklik edilib22 / 06 / 2021, 15:04Vətən Haqqı: Şəhidimiz Azərbaycan çempionu Muxtar Qasımlı - VİDEO22 / 06 / 2021, 14:58Bakı Slavyan Universitetinin rektoru vəzifəsindən azad edildi22 / 06 / 2021, 14:56Milli Məclisin növbəti iclasının vaxtı açıqlandı22 / 06 / 2021, 14:53
Bütün xəbərlər

Next TV