1news.az

Nazir: Misir Azərbaycanla turizm əlaqələrinin inkişafında maraqlıdır - FOTO

15 İyun saat 20:07 ~ 2 dəqiqəlik oxu 140
Nazir: Misir Azərbaycanla turizm əlaqələrinin inkişafında maraqlıdır - FOTO

Azərbaycanla Misir əlaqələrinin tarixi çox qədimdir. İki xalqın xeyli oxşar cəhətləri var. Siyasi əlaqələrimuz də yüksək səviyyədədir. 

1news.az xəbər verir ki, bunu Bakıda səfərdə olan Misirin turizm naziri xanım Rania əl-Mashat mətbuat konfransında deyib. O bildirib ki, son illər ərzində ölkələrimiz arasında turizm əlaqələri də artmaqdadır: 

"2018-ci ilin sonundan etibarən turizmin inkişafı planını həyata keçirməyə başladıq. Bu plan turizmin təbliği və təşviqini nəzərdə tutur. Burda olmağımızın səbəbi də budur. Bakı ilə Şarm əl-Şeyx arasında birbaşa reyslərə başlanılır. Mən Bakıya 14 saata gəlmişəm, arzu edirik ki, birbaşa reyslər açılsın və biz daha az vaxt sərf edərək səfər edə bilək".

Nazir deyib ki, Misirdə istirahət və mədəni turizm inkişaf edib. Gələcəkdə Misirun hələ heç kimə məlum olmayan yeni-yeni maraqlı yerlərini də təqdim edəcəyik.

Əl-Mashat bildirib ki,  Qahirədə yeni muzeyin açılması planlaşdırılır: "Qahirə muzeyinin anbarlarında çox sayda tarixi eksponat var. O cümlədən firon Tutanxanoma məxsus 5 mindən çox eksponat var ki, turistlər onlarla yeni muzeydə tanış ola və hətta selfi çəkdirə biləcəklər. Muzey bu il açılacaq".

Xanım nazir təhlükəsizlik məsələsinə də toxunub, deyib ki, Misir dövləti bu sahəyə çox böyük diqqət yetirir. Beynəlxalq Turizm və Səfər Agentliyi ötən il Misirin  təhlükəsizlik və sabitliyə böyük önəm verməsinə dair mükafat təqdim edib:

"Biz hər bir turistin, əcnəbinin təhlükəsizliyinə xüsusi diqqət yetirilir. Ölkəmizə turizm axını da bunu sübut edir. Bundan başqa, çox yerlərdə kameralar quraşdırılıb ki, bunlar da  da əlavə bir sübutdur".

Qeyd edək ki, Bakıdan Şarm əl-Şeyxə birbaşa uçuşlar iyulun 18-dən həyata keçiriləcək. Reysləri "SCAT" hava yolları yerinə yetirəcək. 

P.Sultanova

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net