Rəhman Hacıyev: İçəri şəhər ­– gələcək nəsillər üçün qoruyub saxlayacağımız milli xəzinəmizdir  – VİDEO

İTV-nin efirində yayımlanan “Diqqət mərkəzi” verilişinin budəfəki mövzusu son günlər İçəri şəhərdə tikinti işləri və Qala divarlarının “söküntüsü” ilə bağlı KİV və sosial şəbəkələrdə yayılmış geniş müzakirələrə həsr olunub.

Verilişdə 1news.az-ın baş redaktoru Rəhman Hacıyev və bərpaçı-memar Tofiq Şəkixanov iştirak edib.

Xatırldaq ki, ötən həftə Rəsul Həsən adlı istifadəçi sosial şəbəkədə üç foto yerləşdirərək Qala divarlarının bir hissəsinin hasarlandığını və restoran tikintisini qeyd etmişdi.

Şəkillər sosial şəbəkələrdə, eləcə də ictimaiyyətdə ajiotaj yaratdı. Tez bir zamanda “İçərişəhər” Dövlət Tarix-Memarlıq Qoruğu İdarəsi məsələyə aydınlıq verib ki, fotolar Qala divarlarının bir hissəsinin bərpası zamanı çəkilmiş  2011-ci ilə aiddir.

“Yalan məlumatlar və fotolar yaymaqla bir çoxları yalan və hətta absurd iddialar ürəli sürdü”, - R.Hacıyev verilişdə qeyd edib.

Onun sözlərinə görə, “Qala divarlarının sökülməsi” məsələsi bir çox blogger və KİV-lər üçün çirki iftira aləti oldu.

R.Hacıyevin sözlərinə görə, bu işdə “İçərişəhər” Dövlət Tarix-Memarlıq Qoruğu İdarəsinin məsələyə vaxtında aydınlıq gətirməsi onlara lazımi cavab oldu.

İçəri Şəhərdə bu qədər restoran və iaşə obyektlərinin olmasının lazımlığı kimi aktual məsələyə toxunan baş redaktor qeyd edib ki, birmənalı olaraq bəli, lazımdır, çünki bu ərazi turistlər tərəfindən daha çox maraqa səbəbdir, həmçinin bu təcrübə bütün dünyada tətbiq olunur:

“İçəri şəhər ­– gələcək nəsillər üçün qoruyub saxlayacağımız milli xəzinəmizdir ”.

İçəri şəhərdə həqiqətən də nə baş verir? – FOTO – VİDEO

Tərcümə: S.Xankişiyeva