İƏT-in Baş katibi: Paşinyanın bəyanatı regional sülh və təhlükəsizliyə hədədir
İIslam Əməkdaşlıq Təşkilatının (İƏT) Baş katibi Ermənistan baş nazirinin 5 avqust 2019-cu il tarixində Azərbaycanın işğal olunmuş ərazilərinə səfər edərək orada səsləndirdiyi bəyanatla bağlı dərin narahatlıq ifadə edən açıqlama ilə çıxış edib.
1news.az xəbər verir ki, Yusef bin Ahmad Al-Otaimi Ermənistan rəhbərliyinin bu bəyanatı və Azərbaycan Respublikasının suverenliyi və ərazi bütövlüyünü pozan əməllərinin beynəlxalq hüququn prinsiplərinə və beynəlxalq ictimaiyyətin möqeyinə məhəl qoymadığını və regional sülh və təhlükəsizliyə hədə təşkil etdiyini qeyd edib.
O, münaqişənin sülh yolu ilə həlli üzrə BMT və İƏT Nizamnamələrinin müddəalarına, Helsinki Yekun Aktına, BMT TŞ-nin 1993-cü il tarixli qətnamələrinə, İƏT-in müxtəlif qətnamələrinə istinad edərək, Ermənistan Respublikasını münaqişənin sülh yolu ilə həlli üçün BMT TŞ-nin müvafiq qətnamələri əsasında Azərbaycan Respublikası ilə sülh danışıqlarına çağırıb.
1news.az