Millinin məşqçiləri klubların hazırlıq prosesini izləyəcək

Yanvarın 11-dən etibarən Azərbaycanın futbol üzrə milli komandasının məşqçiləri Topaz Premyer Liqası klublarının məşq prosesini və yoxlama oyunlarını izləyəcəklər.

1news.az xəbər verir ki, bu barədə AFFA-dan məlumat veriblər.

Məlumata görə, milli komandasının məşqçiləri Qordan Tsipriç və Draqan Spaşiç, yanvarın 15-dən isə millinin baş məşqçisi Robert Prosineçki Türkiyənin Antalya şəhərində təlim-məşq toplanışında olan Topaz Premyer Liqası klublarının məşq prosesini və yoxlama oyunlarını izləyəcəklər.

1news.az