Həmvətənimiz Frankfurt-Maynda Əcnəbilər Parlamentinin sədri seçilib | 1news.az | Xəbərlər
Siyasət

Həmvətənimiz Frankfurt-Maynda Əcnəbilər Parlamentinin sədri seçilib

11:06 - 28 / 01 / 2016
Həmvətənimiz Frankfurt-Maynda Əcnəbilər Parlamentinin sədri seçilib

Frankfurt-Mayn şəhərinin Əcnəbilər Parlamenti Almaniyada bu qəbildən olan ən böyük qurumdur və Frankfurtun 180 mindən çox əcnəbi sakininin mənafeyini təmsil edir.

1news.az AZƏRTAC-a istinadən xəbər verir  ki, Böyük etnik icmaları təmsil edən 37 deputat beş ildən bir seçilir. Onlar əcnəbi vətəndaşların və əcnəbi mənşəli almanların yeganə rəsmi nümayəndələridir.

Xəbər verdiyimiz kimi, həmvətənimiz Cümə Məmmədov 2010-cu ildə MDB məkanından və Baltikyanı ölkələrdən Əcnəbilər Parlamentinə seçilmiş ilk deputat olub. 2015-ci ilin noyabrında o, seçicilərin etimadını yenidən qazanıb və alman parlamentinə keçmiş Sovet İttifaqı məkanından ikinci dəfə seçilmiş ilk əcnəbi oldu (bax: azertag.az/ru/xeber/910082). Cümə Məmmədov toplanmış səslərin sayına görə indiyə qədər bu formatlı seçkilərdə iştirak etmiş keçmiş Sovet İttifaqı nümayəndələri arasında liderdir. Onun son çağırış Əcnəbilər Parlamentində fəal və səmərəli işi öz nəticəsini verib. Həmvətənimizin sonuncu çağırışda ən fəal deputat olması faktı təkcə seçicilər deyil, həm də deputat həmkarları tərəfindən xüsusilə qeyd edilib. İctimai dəstəyi, o cümlədən Amerika, Rusiya və Çin seçki blokunun nümayəndələri veriblər. Onlar həmvətənimizin Əcnəbilər Parlamentinin inkişafına yeni impuls verəcəyinə əmindirlər.

Frankfurt parlamentinin ratuşada – şəhərin ən məşhur binasında keçirilən yanvar iclasında Cümə Məmmədov sədr seçilib. O, Almaniyada bu cür uğur qazanan ilk azərbaycanlıdır. Cümə Məmmədov Almaniyada bu təşkilatların tarixində Əcnəbilər Parlamentinin ən cavan sədridir. İndiyədək ancaq böyük icmaların nümayəndələri bu vəzifəyə seçiliblər. Keçmiş Sovet İttifaqının icmaları artıq qeyd ediblər ki, ilk dəfədir MDB məkanından gələn adam bu cür uğur qazanır. Şəhər hökumət orqanının statistika şöbəsi məlumat verib ki, yeni seçilmiş deputatdan sədrliyədək keçən yol rekord qısa müddətə qət edilib.

Əcnəbilər Parlamenti sədrinin vəzifələrinə şəhər siyasəti strategiyasının inkişafı, Frankfurt meri, şəhər dumasının deputatları, əyalət və federal səviyyədə siyasətçilər və biznesmenlərlə müntəzəm görüşlərin keçirilməsi daxildir.

Cümə Məmmədov bundan sonra da etnoslararası ziddiyyətlərə görə narahatlıq keçirən alman ictimaiyyətini Azərbaycanın tolerantlıq sahəsində uğurları barədə məlumatlandıracaq və Azərbaycanda 1993-cü ildən bəri həyata keçirilən ölçülüb-biçilmiş dövlət siyasəti sayəsində formalaşmış nümunəvi millətlərarası və konfessiyalararası münasibətlər təcrübəsini qiymətləndirməyə çağıracaq.

Qeyd etmək lazımdır ki, Azərbaycanın Almaniyadakı səfirliyi fəal həmvətənimizi həmişə dəstəkləyib.

Cümə Məmmədov uzun illər boyu Almaniya Universitetləri ilə əməkdaşlıq edir, əcnəbi tələbələrə və gənc mütəxəssislərə qayğı göstərir. O, Almaniyada və Finlandiyada təhsil alıb, təhsil məsələlərinə həsr edilmiş rusdilli və ingilisdilli konfranslarda Almaniyanın nümayəndə heyətlərinə başçılıq edib. Xaricdə təhsil, turizm, biznes və strateji planlaşdırma sahəsində diplomlu alman politoloqu və eksperti olan Cümə Məmmədov həmvətənlərimiz üçün də kiçik və orta biznes, səmərəli piar, Almaniyada təhsil və ixtisasartırma məsələlərinə dair məsləhətlər verir.

Frankfurtda aktiv ictimai iş və Azərbaycanın düşünülmüş dövlət siyasəti nəticəsində qazandığı təcrübə Cümə Məmmədovun Almaniyanın beynəlmiləl şəhəri və Avropanın maliyyə mərkəzi olan Frankfurt-Maynda yeni Əcnəbilər Parlamentinin sədri seçilməsinin uğurunu təmin edib.

1news.az

Paylaş:
1069

Son xəbərlər

Bakının bir sıra yollarında nəqliyyatın hərəkətində çətinliklər yaranıbBu gün, 08:58İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23
Bütün xəbərlər