Erməni silahlı bölmələri Ağdamda məktəblini yaralayıb

Erməni silahlı bölmələrinin atəşkəsi pozması nəticəsinə azərbaycanlı məktəbli yaralanıb. 

1news.az-ın APA-ya istinadən verdiyi xəbərə görə, hadisə bu gün günorta saatlarında qeydə alınıb.

Ağdam rayonunun Çıraqlı kənd sakini, 1999-cu il təvəllüdlü, 11-ci sinif şagirdi Məmmədov Çoşqun Ələddin oğlu qolundan və ayağından iki güllə yarası alıb.

Yaralı məktəbli Ağdam Mərkəzi Rayon Xəstəxanasına çatdırılıb.

1news.az