“Exit-poll” keçirən ABŞ şirkəti: Seçicilərin 88,9 faizi dəyişiklikləri dəstəkləyib
“AJF&Associates, Inc.” təşkilatı ilə birgə Vətəndaşların Əmək Hüquqlarını Müdafiə Liqası ABŞ-ın 26 sentyabr 2016-ci ildə ölkədə ümumxalq səsverməsi (referendum) ilə əlaqədar “Exit-poll” sorğusu keçirib.
Vətəndaşların Əmək Hüquqlarını Müdafiə Liqası 2015-ci ilin noyabr ayında Milli Məclisə keçirilən seçkilərdə ABŞ-ın “AJF&Associates, Inc.” təşkilatı ilə birlikdə “Exit poll” keçirib. Bu əməkdaşlıq 26 sentyabr 2016-ci il ümumxalq səsverməsi (referendum) ilə bağlı “Exit-poll” sorğusunda da davam edir.
Əvvəlcədən püşk atma metodu ilə seçilmiş 100 seçki dairəsinədəki 450 məntəqədə “Exit-poll” sorğusu keçirilib. Respondentlər təsadüfi seçmə metoduna əsasən sorğu prosesinə cəlb ediliblər. “Exit-poll” sorğusunda əvvəlcədən təlimləndirilmiş 30 supervayzer, 900 intervüçü və 60 operator iştirak edb.
“Exit-poll” 1 gün ərzində əvvəlcədən müəyyən edilmiş və razılaşdırılmış seçki məntəqələri ərazisində keçirilib və seçki başladığı vaxtdan seçki qurtarana bir neçə saat qalan müddət ərzində aparılıb.
“Exit-poll”un keçirilməsində əsas məqsəd əhalinin referenduma hazırlığı və ölkənin siyasi həyatında iştirakı səviyyəsini, həmçinin referendumla bağlı ictimai rəyi öyrənilmək olub.
Məlumdur ki, Referendum Konstitusiyada 29 dəyişiklik edilməsi məqsədilə keçirilib və bu prosesə əhalinin münasibətini aydınlaşdırmaq üçün ilk öncə aşağıdakı sual qoyulub:
Siz Referendum dəyişikliklərini səs verərək dəstəklədinizmi?
1. Referendum dəyişikliklərinin hamısı - 67,4
2. Referendum dəyişikliklərinin əksəriyyəti - 21,5
3. Referendum dəyişikliklərinin bəzisi - 6,8
4. Referendum dəyişikliklərinin heç biri - 4,3
Dəyişikliklər aparılmış maddələrlə bağlı tərtib edilmiş sorğu sualları aşağıdakı bloklar üzrə qruplaşdırılıb:
Bloklar
1 Azərbaycan Respublikasında icra hakimiyyətinin quruluşunda dəyişikliklər bloku - 87,3 12,7
2 Azərbaycan Respublikasının təhlükəsizliyi və müdafiəsi ilə bağlı təkliflər bloku - 89,7 10,3
3 İnsan hüquqları və onların təminatı sahəsində dəyişikliklər bloku - 88,3 11,7
4 Azərbaycanda sosial təminatlar bloku - 86,5 13,5
Ümumilikdə, Referendumla bağlı keçirilmiş Exit-pollda seçici aktivliyi
67,5% olub.
1news.az
