Əhməd Şahidov: Azərbaycanlı müxalifətçilər ermənilərlə birlikdə Azərbaycan hökumətini tənqid edir – FOTO

Sentyabrın 22-də Emin Hüseynov və bir qrup müxalif yönümlü QHT nümayəndələri ATƏT-in müzakirələri olduğu Varşavada tədbir keçiriblər.

1news.az-a Azərbaycan Demokratiya və İnsan Haqları İnstitutunun direktoru, hüquq-müdafiəçisi Əhməd Şahidovun bildirdiyinə görə, Azərbaycan hökumətinin tənqid edildiyi tədbirdə Ermənistanın Polşadakı səfirliyinin katibi Davit Knyazyan da iştirak edib.

“Hər zaman Azərbaycanın əleyhinə çıxış edən bu erməni diplomatını çox yaxşı tanıyıram”, - deyə o, qeyd edib.

Tədbirdən fotoları Emin Hüseynov şəxsi Twitter səhifəsində özü paylaşıb.

Azərbaycanlı müxalifətçilərlə Ermənistanın Polşadakı səfirliyinin əməkdaşlarını nə birləşdirir, məlum deyil.

Qeyd edək ki, Emin Hüseynov Azərbaycanda Cinayət Məcəlləsinin 192.2.2 ( “Yüksək gəlir əldə etməklə qanunsuz sahibkarlıq”) , 213.2.2  (“Vergi ödəməkdən yayınma”) və 308.2 (“Vəzifə səlahiyyətlərindən sui-istifadə”) maddələri ilə ittiham olunur.

E.Hüseyov 10 ay Bakıda İsveçrə səfirliyində gizlənildikdən sonra ölkəyə təhvil verilib.

Mövzu ilə əlaqədar oxuyun:       

İlham Əliyev: “Emin Hüseynov məndən onu vətəndaşlıqdan məhrum etməyi xahiş edib”