Bakı Qarabağa muxtar respublika statusunun verilməsini istisna etmir

Dağlıq Qarabağ üzrə kompromislər mümkündür, region muxtar respublika ola bilər, bu haqda  Azərbaycan Prezidenti İlham Əliyev RİA Novostiyə verdiyi müsahibəsində bəyan edib.

 “Dağlıq Qarabağ əhalisinin təhlükəsizliyinin, həyat və fəaliyyətinin, özünüidarəçiliyinin təmin olunması, Azərbaycan tərəfindən müxtəlif investisiya layihələrinin həyata keçirilməsi ilə məqbul kompromislər mümkündür.  Eləcə də Dağlıq Qarabağın ətrafındakı ərazilərin azad edilməsi nəticəsində iki xalqın sülh şəraitində birgəyaşayışı da mümkündür.  Biz, münaqişənin həllini bu cür görürük”.

İlham Əliyevin sözlərinə görə, Azərbaycanın ərazi bütövlüyü məsələsində komrpomislər mümkün deyil:

“Biz heç vaxt Dağlıq Qarabağa müstəqillik verilməsinə razı olmayacağıq. Lakin yerli özünüidarəçilik məsələlərində kompromis mümkündür. Əgər razılığa gəlsək, bu özünüidarə Dağlıq Qarabağ Muxtar Respublikası şəklində ola bilər. Bundan artıq kompromisə gedə bilmərik”.

Qeyd edə ki, Azərbaycan hökuməti hərbi münaqişə nəticəsində Dağlıq Qarabağa nəzarəti itirib. Belə ki, Dağlıq Qarabağ Muxtar Vilayəti 1988-ci ilin fevralında Azəbaycan SSR-in tərkibindən çıxmasını bəyan edib. 1991-ci ilin sentyabrında Xankəndi Dağlıq Qarabağ respublikasının yaranmasını elan edib. 1992-ci ildən münaqişənin nizamlanması ilə bağlı danışıqlar aparılır. Azərbaycan ərazi bütövlüyü təkid edir. Ermənistan isə qondarma respunblikanın maraqlarını müdafiə edir.