Zakir Həsənov Çexiyada keçirilən hərbi sərgidə olub – FOTO
Müdafiə naziri Zakir Həsənovun rəhbərlik etdiyi nümayəndə heyəti Çexiyaya səfəri çərçivəsində “Beynəlxalq Gələcək Qüvvələr Sərgisi 2016” da iştirak edir.
1news.az-ın məlumatına görə, sərgi Çexiyanın müdafiə, daxili işlər, xarici işlər nazirlikləri, Silahlı Qüvvələrin Baş Qərargahı, NATO qərargahı, Avropa Müdafiə Agentliyi və bir sıra digər milli və beynəlxalq təşkilatların dəstəyi ilə keçirilir.
Qeyd edək ki, 60 ölkədən 1200-dən artıq nümayəndənin iştirak etdiyi sərgidə Çexiya, ABŞ, Kanada, Almaniya, Böyük Britaniya, Fransa, İtaliya, Avstraliya, Norveç, İsrail və bir sıra digər ölkələrin hərbi sənaye kompleksinə daxil olan 200-dən artıq şirkətin hərbi təyinatlı məhsulları nümayiş etdirilir.
Sərgidə iştirak edən Azərbaycan nümayəndə heyəti həmin şirkətlərin istehsal etdiyi məhsullar ilə tanış edilərək onların təyinatları barədə ətraflı məlumatlandırılıb.
1news.az
