Erməni hüquq-müdafiəçisi: Xocalı soyqırmını törətmiş Ermənistan rəhbərliyi hakimiyyətdə olduğu müddətdə sülh olmayacaq

Erməni KİV-i bu gün Bakıda baş verən həqiqətləri yazmır. Onlar İrəvan rejiminin diktə etdiyi kimi yazırlar.

1news.az-ın verdiyi xəbərə görə, bunu çərşənbə axşamı erməni hüquq-müdafiəçisi Vaan Martirosyan Bakıda “Ermənistan-Azərbaycan, Dağlıq Qarabağ münaqişəsi: əsas maneələr və nizamlanma perspektivləri. Ermənistan və Azərbaycandan baxış” mövzusunda keçirilən konfrans zamanı bəyan edib. Onunla yanaşı konfransda Ermənistandan olan siyasi mühacir Vahe Avetyan da iştirak edir.

Martirosyanın sözlərinə görə, Azərbaycan beynəlxalq səviyyədə barışıq üçün addımlar atır:

“Nə qədər ki, Ermənistanda Xocalı soyqırımını törətmiş hakimiyyət olacaq sülh olmayacaq. İndi onlar Ermənistda soyqırım törədirlər”.

Martirosyan qeyd edib ki, ermənilərdən Bakıda dövlət himayəsində erməni kilsəsi olduğu gizlədilir:

“Bakıda 38 min erməni yaşayır. Azərbaycanda, eləcə də regionlarda erməni müqəddəs yerləri var ki, bunlar azərbaycanlılar tərəfindən qorunur”.

Hüquq-müdafiəçisi vurğulayıb ki, Ermənistanda dahi aktyor Ciqarxanyanı azərbaycanlı və ermənilərin barışmalıdır fikrinə görə, satqın adlandırıblar:

“Əsas məqsədimiz barışıq fikrinin təbliğ edilməsidir. İstənilən münaqişəni zərər görənlər həll edir. Xalqlarımız istənilən münaqişəni QHT-lər vasitəsilə həll edəcək”.

Martirosyan həmçinin qeyd edib ki, heç bir erməni sidq ürəklə deməz ki, Dağlıq Qarabağ münaqişəsi ona sevinc gətirib:

“Bunu yalnız münaqişədə marağı olanlar deyə bilərlər. Belə insanlar isə Haaqa məhkəməsində bəşəriyyətə qarşı cinayətə görə həbs edilməlidir”. 

Mövzu ilə əlaqədar oxuyun:       

Erməni yazıçı Vahe Avetyan Xocalı abidəsini ziyarət edib

1news.az