Dünya Azərbaycanlıları Assambleyasına yeni təyinat olub
Dünya Azərbaycanlıları Assamblyeasının (DAA) prezidenti Rəşad Quliyevin sərəncamı ilə Azərbaycan Respublikası Milli Məclisinin deputatı Elman Nəsirov DAA-nın beynəlxalq məsələlər üzrə vitse prezidenti təyin olunub.
1news.az-a DAA-nın mətbuat xidmətindən verilən xəbərə görə, o, Göyçay-Ağdaş dairəsinin millət vəkili, Azərbaycan Respublikası Milli Məclisinin beynəlxalq münasibətlər və parlamentlərarası əlaqələr, insan hüquqlari komitələrinin üzvü, habelə Aİ-Azərbaycan parlamentlərarası əməkdaşlıq komitəsinin və Dünya Azərbaycanlılarının Əlaqələndirmə Şurasının üzvüdür.
Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru politoloq, siyasi elmlər doktorudur.
Qeyd edək ki, Dünya Azərbaycanlıları Assambleyası 06.09.2016 tarixində Almaniya Federativ Respublikasının məhkəmə və ədliyyə orqanları tərəfindən beynəlxalq təşkilat olaraq qeydiyyata alınıb. Təşkilatın mərkəzi Almaniyanın Köln şəhərindədir.
1news.az
