Azərbaycanın nümayəndə heyəti Mərakeşdə keçirilən konfransda iştirak edib

Mərakeşdə Yüksək Səviyyəli İqlim Dəyişmələri üzrə Birləşmiş Millətlər Təşkilatının Çərçivə Konvensiyasının 22-ci sessiyasının (COP22) təntənəli açılış mərasimi keçirilib.

1news.az-ın verdiyi xəbərə görə, Azərbaycanı bu konfransda ekologiya və təbii sərvətlər naziri Hüseyn Bağırovun sədrliyi ilə nümayəndə heyəti təmsil edib.

COP 22-nin Mərakeşdə keçirilməsi bərpaolunan enerjinin davamlı inkişafı baxımından regionda və dünyada Mərakeş rəhbərliyinin tanınması deməkdir. Mərakeşin əsas hədəfi 2030-cu ildə ümümi enerjinin 52%-ni təşkil edib öz daxili ehtiyaclarının ödənilməsini tamamlamaqdır.

Konfransda həmçinin Kral VI Məhəmməd də iştirak edib. Kral çıxışında qeyd edib ki, Parisdə keçirilən COP21 kimi Marakeşdə keçirilən bu konfrans da qəbul edilən öhdəlikləri nəzərə alaraq planetimiz və gələcək nəsillər naminə konkret tədbirlər həyata keçirilməsinə imkan yaradacaq.

Bundan əlavə, kral inkişaf etməkdə olan ölkələrə xüsusilə, Afrika, Asiya və Latın Amerikası, o cümlədən, iqlim risklərə qarşı özlərinin müdafiə vasitəsi olmayan inkişaf etməkdə olan ölkələr üçün də həmrəyliyin gücləndirilməsinə çağırıb.

Buna görə də, Kral VI Məhəmməd inkişaf etməkdə olan dövlətlərə maliyyə yardımı, texnologiya transferi vasitəsilə dəstək baxımından 2020-ci ilə qədər Paris müqaviləsində qeyd edilən 100 milyon dollardan  daha artıq olması nəzərdə tutulan öhdəliklərin yerinə yetirilməsinin vacibliyini qeyd edib.

1news.az