Deniz Yılmaz vurduğu qollarla “Bursaspor”a qələbə qazandırıb

Türkiyə Superliqasının 13-cü turunda millimizin hücumçusu Deniz Yılmazın formasını geydiyi “Bursaspor” öz meydanında “Rizespor”u qəbul edib. 

1news.az xəbər verir ki, oyun meydan sahiblərinin 2:1 hesablı qələbəsi ilə başa çatıb.

Dəniz Yılmaz görüşə start heyətdə başlayıb və 90 dəqiqə mübarizə aparıb. O, komandasının hər iki qolunun müəllifi olub.

Qeyd edək ki, bu qələbə sayəsində xallarını 24-ə çatdıran “Bursaspor” turnir cədvəlinin 5-ci pilləsindəki yerini qoruyub.

1news.az