Rövşən Rzayev: Ermənistan-Azərbaycan sərhədində baş vemiş insident yeni hərbi qarşıdurmalara yol aça bilər
Əgər Ermənistan təxribatçı əməllərini davam etdirərsə, eləcə də işğalçı siyasətindən əl çəkməzsə Ermənistan-Azərbaycan sərhədində baş vemiş insident yeni hərbi qarşıdurmalara yol aça bilər.
Bunu 1news.az-a Milli Məclisin deputatı Rövşən Rzayev dekabrın 29-da münaqişə zonasında baş vermiş insidentlə bağlı şərh verərkən bildirib:
“Ermənistan tərəfindən təxribatçı əməllər dəfələrlə baş verib. Düşünürəm ki, bu hadisə bir daha da təkrarlanacaq. Aydındır ki, mövcud rejim öz destruktiv mövqeyini davam etdirərək BMT Təhlükəsizlik Şurasının qətnamələrinə məhəl qoymayır.
Göründüyü kimi erməni tərəfi ciddi itkilərə məruz qalsa da aprel hadisələrindən lazımi nəticələr çıxarmadı. İstisna deyil ki, ermənilər cəbhə xəttində yeni gərginliklər yaratmaq istəyir”.
Həmçnin deputata KTMT-nin baş katibi Nikolay Bordyujanın qalmaqallı bəyanatı da fikir bildirib:
Xatırladaq ki, Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyuja dekabrın 29 Azərbaycan-Ermənistan sərhəddində baş vermiş erməni təxribatını dəstəkləyərək, paralel olaraq “Dağlıq Qarabağ Respublikasını” (işğal olunmuş Dağlıq Qarabağdakı separatçı rejim – red.qeydi) tanıyıb.
“Cənab Bordyuja düşünülməmiş bəyanat səsləndirdi. Bu da nüfuzlu təşkilatın etibarına ciddi xələl gətirdi. Bununla bağlı hərbi ittifaqa üzv-dövlətlər baş katibin təxribatçı bəyanatına siyasi qiymət verməlidir”.
Qeyd edək ki, bir neçə gün sonra Bordyuja öz vəzifəsindən azad edilib.
Bordyujanın istefası ilə bağlı KTMT-nin saytında yerləşdirilmiş bəyanatın mətnindən məlum olub:
“2015-ci ilin dekabrın 21-də KTMT-nin Kollektiv Təhlükəsizlik Şurasının verilmiş qərarı ilə 2017-ci ilin yanvarın 1-dən etibarən Təşkilatın baş katibinin bütün səlahiyyətləri KTMT-nın baş katibin müavini Valeri Anatolyeviç Semerkova həvalə olunur. Bununla əlaqədar KTMT-nin baş katibi Nikolay Bordyujanın səlahiyyət müddəti 2016-cı ilin dekabrın 31-də başa çatır”.
1news.az
