XİN: Ermənistan tərəfi Azərbaycan əsgərinin cəsədini qaytarmamaqla Cenevrə Konvensiyasını pozur

Azərbaycan tərəfinin dəfələrlə müraciətinə baxmayaraq, erməni silahlı qüvvələri tərəfindən təxribat nəticəsində həlak olan əsgər Çingiz Qurbanovun meyiti qaytarılmır. Bununla da Ermənistan humanitar hüququn, əsasən də Cenevrə Konvensiyasını pozur.

Bu haqda 1news.az-a XİN-in mətbuat xidmətinin rəhbəri Hikmət Hacıyev xarici siyasət qurumların, eləcə də digər müvafiq strukturların bununla bağlı beynəlxalq təşkilata müraciət etdiyini bildirib:

“Ermənitan beynəlxalq qurumların müraciətinə məhəl qoymaraq Azərbaycan əsgərinin cəsədini qaytarmır. Bununla da qeyri-insani təbiətlərini nümayiş etdirirlər. Bu təxribat bir daha göstərdi ki, Ermənistandakı hakim siyasi rəhbərlik region üçün təhlükədir. Bu rejimin əsas məqsədi münaqişənin sülh yolu ilə həllinə mane olmaqdır”.

XİN-in rəsmi nümayəndəsi qeyd edib ki, Ermənistan KTMT-nı insidentə cəlb edərək regiodakı sülh və əmin-amanlığa təhlükə yaratmaqdır. Eləcə də ATƏT-in Minsk qrupunun səylərinə ciddi zərbə vurmaqdır.

“Ermənistan ictimai-siyasi və diasporasının sağlam düşüncəli qüvvələrinin Dağlıq Qarabağ münaqişəsinin sülh yolu ilə çağırışlarına baxmayaraq, İrəvanın hərbi-siyasi rəhbərliyi danışıqlar prosesini istənilən vasitələrlə ləngitməyə çalışır. Ermənistan XİN-in son bəyanatları bunun bariz nümunəsidir ki, bu ölkə regionda işğalçı siyasət yürütməktə davam edir. Bunun mahiyyəti Azərbaycan və status-kvonun saxlanılmasıdır”.

Xatırladaq ki, Azərbaycan əsgəri Qurbanov Çingiz 2016-cı ilin dekabrın 29-da erməni silahlı qüvvələrinin təxribatını dəf edərkən itkin düşüb. Erməni kəşfiyyat qrupu Azərbaycan-Ermənistan sərhədini pozmaq istəyərkən mühasirəyə düşüb. Buna görə də geri çəkilməyə məcbur olub. Daha sonra bir sıra erməni KİV-də həlak olmuş Azərbaycan əsgərinin fotoları yayılıb. Bu müddətdən indiyədək Azərbaycan tərəfi beynəlxalq qurumları cəlb etməklə Ç.Quranovun cəsədinin qaytarılmasına çalışır.

1news.az