Bu gündən “Gəncəbank”ın təminatsız kreditorların tələbləri proporsional qaydada ödəniləcək

Əmanətlərin Sığortalanması Fondu ləğv prosesində olan "Gəncəbank" ASC-nin kreditorlarına müraciət edib.

1news.az-a Fonddan verilən xəbərə görə, növbəlikdə 7-ci, yəni sonuncu sırada olan təminatsız kreditorların tələblərinin proporsional qaydada (70 min manat ekvivalentində) ödənişi, o cümlədən əvvəlki növbədə olan kreditorların tələblərinin tam ödənişi iyunun 22-dən etibarən həyata keçiriləcək.

Ödənişlər ləğv prosesində olan "Gəncəbank" ASC-nin Gəncə şəhəri, Atatürk prospekti 260 ünvanında yerləşən inzibati binasında və fondun Bakı şəhəri, Babək prospekti 16 ünvanında yerləşən ofisinin müştəri xidməti şöbələrində ediləcək.

S.Xankişiyeva