“Qəbələ”, “İnter” və “Zirə”nin mümkün rəqibləri məlum olub
Avropa Liqasının III təsnifat mərhələsinin püşkatma mərasimi keçirilib.
1news.az-ın məlumatına görə, İsveçrənin Nyon şəhərində keçirilən tədbirdə təmsilçilərimiz “Qəbələ”, “İnter” və “Zirə”nin də mümkün rəqibləri bəlli olub.
“Qəbələ” “Yagelloniya”nı (Polşa) keçsə, 3-cü mərhələdə Yunanıstanın “Panatinaikos” klubu ilə qarşılaşacaq.
“İnter” ilk oyunda 1:0 hesabı ilə qalib gəldiyi “Fola”nı (Lüksemburq) mübarizədən kənarlaşdırsa, növbəti mərhələdə “Ostersun” (İsveç) - “Qalatasaray” (Türkiyə) cütünün qalibi ilə üz-üzə gələcək.
“Zirə” – “Astra” (Rumıniya) cütünün qalibi isə 3-cü mərhələdə Ukraynanın “Aleksandriya” klubuna rəqib olacaq.
Qeyd edək ki, III təsnifat mərhələsinin ilk oyunları iyulun 27-də, cavab matçları avqustun 3-də keçiriləcək.
1news.az
