“Qarabağ” və “Neftçi” 1/4 finalda - VİDEO
Bu gün Azərbaycan kubokunda 1/8 final mərhələsinə start verilib.
1news.az xəbər verir ki, ilk oyun günündə 2 qarşılaşma baş tutub.
İlk olaraq “Qarabağ” I divizionun lideri “Qaradağ Lökbatan”la üz-üzə gəlib. Görüş Ağdam təmsilçisinin 2:0 hesablı qələbəsi ilə başa çatıb. Komanda 1/4 finalda “Sumqayıt” – “Sabah” cütünün qalibi ilə qarşılaşacaq.
Günün digər görüşündə “Neftçi” aşağı liqanın autsayderi “Zaqatala” ilə görüşüb. Matç “ağ-qaralar”ın 5:0 hesablı qələbəsi ilə yekunlaşıb. “Neftçi” 1/4 finalda “Zirə” – “Xəzər” cütünün qalibi ilə qarşılaşacaq.
Qeyd edək ki, 1/8 finala sabah baş tutacaq 6 matçla yekun vurulacaq.
Azərbaycan kuboku
1/8 final
28 noyabr (çərşənbə axşamı)
“Neftçi” – “Zaqatala” - 5:0
Qollar: Daniel Seqovia, 8, 35, 54; Uqo Barqas, 50; Emin Mahmudov, 59
“Qarabağ” – “Qaradağ Lökbatan” - 2:0
Qollar: Əfran İsmayılov, 57; Pedro Enrike, 81
1news.az
