Unibank biznes sahibləri üçün yeni xidmət təklif edir
Rəqəmsal bankçılıqda davamlı ilklərə imza atan Unibank, biznes sahibləri üçün daha bir xidmət istifadəyə verib.
İndi biznes sahibləri istədikləri vaxt banka gəlmədən, istədikləri valyutada hesab bron edə bilərlər.
Bu yeni xidmət sahibkarlara hansı imkanı yaradır?
- Həftənin bütün günləri, cəmi bir neçə dəqiqə ərzində minimal məlumatlar daxil etməklə, 3 dildə aktivasiya hesabı açmaq imkanı verir;
- Bronlaşdırılmış hesab 10 iş günü ərzində aktiv olur. Alınmış hesab nömrəsini kontragentlərə təqdim edə və sənədlərdə göstərə bilərsiniz. Bron edilən hesabı sonrakı mərhələdə də istifadə etmək üçün tələb olunan sənədlər paketini 10 gün müddətində Unibank-ın istənilən filialına təqdim edilməlidir.
- Hesab rekvizitləri dərhal hesab sahibinin elektron ünvanına göndərilir.
Sahibkarlar elə indi buradan hesab bron edə bilərlər: https://onlineservices.unibank.az/AccountOrder/index.html
Biznes sahibləri Unibank-ın yüksək keyfiyyətli bank məhsul və xidmətlərindən faydalanmaq üçün bankın filiallarına müraciət edə bilərlər.
Ətraflı məlumatı (012) 117 nömrəli telefondan, Bankın saytından (www.unibank.az ) və yaxud Facebook və Twitter səhifələrindən (www.facebook.com/unibank.az , https://twitter.com/unibank) əldə etmək olar.
Unibank - Biznesə daimi dəstək!
Unibank haqqında
Azərbaycanın iki aparıcı özəl bankı – “MBANK” (1992) və “PROMTEXBANK”-ın(1994) 2002-ci ildə birləşməsi nəticəsində fəaliyyətə başlayan Unibank, ölkədə ən iri maliyyə təsisatlarından biridir. Öz maliyyə göstəricilərinə görə, bank ölkə bank sektorunun liderləri siyahısına daxildir. Bank müxtəlif mülkiyyət formasına və fəaliyyət istiqamətlərinə aid olan 800 minə yaxın korporativ və fərdi müştərilərə xidmət göstərir. Dünyanın nüfuzlu maliyyə qurumlarından olan Avropa Yenidənqurma və İnkişaf Bankı (15,15% pay) və “DEG” Almaniya İnvestisiya Şirkəti (8,33% pay) Unibank-ın səhmdarları sırasındadır. Unibank tərəfindən iki törəmə müəssisə – “Unileasing” lizinq şirkəti və Unicapital İnvestisiya Şirkəti təsis edilib. Bankın paytaxtda və regionlarda geniş xidmət şəbəkəsi mövcuddur. Bank 24 illik fəaliyyəti dövründə uğurlu kommersiya fəaliyyəti və sosial layihələrdə iştirakına görə bir çox beynəlxalq və yerli təşkilatlar tərəfindən çoxsaylı mükafatlara layiq görülmüşdür.
