Messinin maaşı açıqlandı: hamıdan çox alacaq - SİYAHI

“Barselona” ilə yeni müqavilə imzalayan Lionel Messinin məvacibi müəyyənləşib.

1news.az-ın Apasport.az-a istinadən verdiyi xəbərə görə, argentinalı dünyanın ən çox maaş alan futbolçusuna çevrilib.

Yeni anlaşmaya əsasən, 2021-ci ilə qədər Kataloniya klubuna məxsus olan 31 yaşlı superulduzun illik məvacibi 43 milyon avro təşkil edəcək. Bundan əlavə, hücumçu müqavilə pulu kimi də 50 milyon əldə edəcək.

Leo bununla ən çox maaş alan həmyerlisi Karlos Tevezi qabaqlayıb. Karyerasını Çində davam etdirən Tevezi isə yayda PSJ-nin yolunu tutan Neymar izləyir.

Ən çox maaş alan futbolçuların siyahısına nəzər yetirdikdə, ilk “onluq”da qərarlaşanlardan yarısının Çində oynadığı görünür.

Ən çox maaş alan futbolçular:

1. Lionel Messi – “Barselona”
   Maaşı: 43 milyon avro + 50 milyon avro müqavilə pulu 

2. Karlos Tevez – “Şanxay Şenxua”
   Maaşı: 38 milyon avro 

3. Neymar - PSJ
   Maaşı: 36 milyon avro 

4. Kriştianu Ronaldo – “Real” 
   Maaşı: 34 milyon avro 

5. Oskar – “Şanxay SİPG”
   Maaşı: 24 milyon avro 

6. Qaret Beyl – “Real”
   Maaşı: 23 milyon avro 

7. Ezekyel Lavezzi – “Hebey Çayna Fortun”
   Maaşı: 23 milyon avro 

8. Halk – “Şanxay SİPG”
   Maaşı: 20 milyon avro 

9. Pol Poqba – “Mançester Yunayted”
   Maaşı: 17 milyon avro 

10. Qratsiano Pelle – “Şandun Lunen”
    Maaşı: 15 milyon avro 

Qeyd edək ki, müqaviləyə əlavə edilmiş bəndə əsasən, Lionel Messinin sərbəst qalma məbləği 700 milyon avrodur.

1news.az