Azərbaycan kubokunda 1/4 finalçılar müəyyənləşib
Bu gün Azərbaycan kubokunda 1/8 final mərhələsinə yekun vurulub.
1news.az-ın xəbərinə görə, ikinci oyun günündə daha 6 qarşılaşma keçirilib.
Səfərdə “Şüvəlan”la qarşılaşan “Səbail” 2:1 hesablı qələbə qazanaraq 1/4 finala yüksəlib.
“Keşlə” MOİK-lə səfər oyununda 3 cavabsız qolla mərhələ adlayıb. “Kəpəz” “Binə” ilə görüşdə 3 qolla 1/4 finala vəsiqəni təmin edib.
Digər oyunda “Qəbələ” evdə “Mil-Muğan”ı qəbul edib. Roman Qriqorçukun komamdası 8 cavabsız qolla növbəti mərhələyə yüksəlib.
“Sumqayıt” “Sabah”a, “Zirə” isə “Xəzər”ə 3:0 hesabı ilə qalib gələrək adını 1/4 finala yazdırıb.
Azərbaycan kuboku
1/8 final
29 noyabr (çərşənbə)
“Zirə” – “Xəzər” - 3:0
Qollar: Vüsal İsgəndərli, 58, 83, Orxan Əliyev, 80
“Sumqayıt” – “Sabah” - 3:0
Qollar: Kamal Mirzəyev, 49, Amil Yunanov, 68, 73
“Şüvəlan” – “Səbail” - 1:2
Qollar: Elvin Həsənəliyev, 10 - Aslan Hüseynov, 60, Ayron Stati, 78
MOİK – “Keşlə” - 0:3
Qollar: Adrian Skarlatake, 41, Mirsahib Abbasov, 65, Rafael Məhərrəmli, 80
“Kəpəz” – “Binə” - 3:0
Qollar: İlyas Səfərzadə, 65, 71, Şəhriyar Rəhimov, 82
“Qəbələ” – “Mil-Muğan” - 8:0
Qollar: Cavid Hüseynov, 30-pen., Ruslan Qurbanov, 42, Filip Ozobiç, 45+1, 58, 85, Ülvi İsgəndərov, 52, Ekiqo Ehiosun, 73, Hacıağa Hacıyev, 84
1news.az
