Bakı Beynəlxalq Avtovağzalından bir gündə 18 minə yaxın sərnişin daşınıb
Bakı Beynəlxalq Avtovağzalından bir gündə 18 minə yaxın sərnişin daşınıb.
1news.az xəbər verir ki, bu barədə Bakı Beynəlxalq Avtovağzal Kompleksindən bildirilib.
Qeyd edilib ki, 31 dekabr - Dünya Azərbaycanlılarının Həmrəylik Günü və Yeni il ilə əlaqədar avtovağzal dekabrın 25-dən yanvarın 4-dək gücləndirilmiş iş rejimində fəaliyyət göstərib. Bayram ərəfəsində ən çox sərnişin sıxlığı yaşanan gün dekabrın 30-u olub. Həmin gün təxminən 18 minə yaxın sərnişin daşınıb. Hazırda da Bakı Beynəlxalq Avtovağzal Kompleksi gücləndirilmiş iş rejimində çalışır.
Bildirilib ki, bayramdan sonrakı günlərdə gün ərzində təxminən 11-12 min sərnişin daşınıb. Həmçinin ötən illərlə müqayisədə onlayn bilet satışında aktivlik müşahidə olunub. Təyin edilmiş qrafiklər üzrə öncədən bilet satışının təxminən 40 faizini onlayn satış təşkil edib.
1news.az