Baş prokuror vəzifəsinə təyinatla bağlı Milli Məclisə təqdimat daxil olub
Baş prokuror vəzifəsinə təyinatla bağlı Milli Məclisə təqdimat daxil olub.
APA-nın məlumatıan görə, Milli Məclisə Azərbaycan Prezidenti İlham Əliyev Kamran Əliyevin Baş prokuror vəzifəsinə təsdiqlənməsi üçün Milli Məclisə təqdimat göndərib.
Təqdimata Milli Məclisin plenar iclasında baxılacaq.
Millət vəkili Fəzail Ağamalı APA-ya açıqlamasında bildirib ki, təqdimata bu gün Milli Məclisin Hüquq siyasəti və dövlət quruculuğu kimitəsinin onlayn iclasında baxılıb.
Müzakirələrdən sonra təqdimat Milli Məclisin plenar iclasına tövsiyə edilib.
Qeyd edək ki, K. Əliyev Azərbaycan Respublikası Baş Prokurorunun müavini, Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsinin rəisi, II dərəcəli dövlət ədliyyə müşaviridir.
S.Xankişiyeva
