Şagirdlər necə qiymətləndiriləcək? - Ceyhun Bayramov açıqladı

"2019-2020-ci tədris ilinin sonu üçün şagirdlərin biliyinin qiymətləndirməsi prosesinin keçirilməsi nəzərdə tutulmayıb".

1news.az xəbər verir ki, bunu Təhsil naziri Ceyhun Bayramov Nazirlər Kabineti yanında Operativ Qərargahın brifinqində çıxışı zamanı deyib.

Nazirin sözlərinə görə, yeni tədris ilinin birinci yarımil üzrə qiymətlər əsas götürüləcək və sinifdən sinfə keçirilməsi məsələsinə baxılacaq.

O bildirib ki, əgər qiymətindən narazı şagird olarsa, növbəti tədris ili öncəsi müraciət edib qiymətləndirmədə iştirak edərək nəticələrini yaxşılaşdıra bilərlər.

"Əgər şagirdlər qiymətlərdən narazı olarsa, qiymətlərinin düzəldilməsi üçün müracət edə bilərlər".

Qafar Ağayev