Maskadan istifadə etməməyə görə nə qədər cərimə olacaq?

Maskadan istifadə etməməyə görə cərimələrin miqdarı hələ dəqiqləşməyib, bununla bağlı qanun layhəsi Milli Məclisdə müzakirə olunur.

1news.az-ın məlumatına görə, bunu Nazirlər Kabineti Operativ Qərargahın keçirdiyi brifinqdə Nazirlər Kabinetinin Mətbuat xidmətinin rəhbəri İbrahim Məmmədov deyib.

Onun sözlərinə görə, ictimai-iaşə müəssisələrində, ictimai nəqliyyatda, qapalı yerlərdə maskalardan istifadə və sosial məsafənin qorunmasına ciddi nəzarət olacaq. Milli Məclis təsdiqlədikdən sonra cərimələrin miqdarı müəyyən olunacaq. Bu cərimələrdən qaçmaq mümkün olmayacaq.

Qafar Ağayev