Eldar Əzizov: Bakı Avropanın ən böyük şəhərlərindən biridir
“Özünəməxsus spesifik vaxtda yaşayırıq. 3 aydan çoxdur ki, ölkəmizdə karantin elan olunub. Təbiidir ki, yeni yaranmış vəziyyət Bakı şəhər və rayon İcra Hakimiyyətlərinin təsərrüfat strukturları qarşısında yeni vəzifələr qoyub”.
1news.az-ın verdiyi xəbərə görə, bu sözləri Bakı Şəhər İcra Hakimiyyətinin başçısı Eldar Əzizov Xəzər TV-yə müsahibəsində deyib.
O bildirib ki, Bakı ərazi baxımından Avropanın ən böyük şəhərlərindən biridir:
"Bu ərazidə landşaft da, kontingent də fərqlidir. Buna baxmayaraq, strukturlarımız yeni çağırışlara hazır olub. Çünki dövlət dəstəyi ilə güclü maddi texniki baza yaradılıb. Hər gün 2 mindən çox adam dezinfeksiya işlərinə cəlb olunur. Avropanın heç də bütün şəhərlərində bu həcm və formatda dezinfeksiya işi aparılmır”.
S.Xankişiyeva
