Bu il Azərbaycan Tibb Universitetinə qəbul üçün plan yerlərinin sayı artıb

Bu il Azərbaycan Tibb Universitetinə (ATU) qəbul üçün plan yerlərinin sayı artıb.

1news.az-ın məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, 2019-cu ildə ATU-ya ayrılan plan yerlərinin sayı 785, bu il isə 975-dir. Bu il 190 plan yeri artırılıb.

M.Abbaszadə qeyd edib ki, IV qrupda 1 609 subbakalavr var: “Müsabiqədə iştirak edənlərin sayı 5 000-ə yaxındır. Bu qrupda da subbakalavrlar abituriyentlərə uduzurlar".

Qafar Ağayev