İƏT-in Milli Xəbər Agentlikləri Birliyinin saytı və Misir portalları Şuşanın işğaldan azad olunmasından bəhs edirlər

Şuşa şəhərinin işğaldan azad edilməsi İslam Əməkdaşlıq Təşkilatı Milli Xəbər Agentlikləri Birliyi (UNA) və Misirin informasiya portallarında geniş işıqlandırılıb.

UNA-nın AZƏRTAC-a istinadla yaydığı xəbərdə Azərbaycan Respublikasının Prezidenti, Müzəffər Ali Baş Komandan İlham Əliyevin noyabrın 8-də Şəhidlər xiyabanından xalqa etdiyi müraciətdən əsas məqamlar yer alıb.

Misirin “Alkhabralmasry” və “Almasryalyoum” informasiya portalları isə Prezident İlham Əliyevin xalqa müraciətinin tam mətnini yayıblar.

S.Xankişiyeva