Əfv komissiyasının sonuncu iclası başa çatdı – YENİLƏNİB
Azərbaycan Prezidenti yanında Əfv Məsələləri Komissiyasının sonuncu iclası başa çatıb.
Trend-in məlumatına görə, bugünki iclasda əfvlə bağlı100-dən çox müraciətə baxılıb.
Komissiyanın 10 iclası keçirilib və ümumilikdə 1000-dən çox müraciətə baxılıb. Siyahının dövlət başçısına göndərilməsi nəzərdə tutulur.
Novruz bayramı ərəfəsində əfv sərəncamının imzalanacağı gözlənilir.
11:23
Azərbaycan Prezidenti yanında Əfv Məsələləri Komissiyasının sonuncu iclası başlayıb.
APA-nın məlumatına görə, komissiyanın iclası videoformatda qruplar halında keçirilir.
İclasa komissiyaya daxil olan yeni müraciətlərə baxılaraq yekun vurulacaq.
09:17
Bu gün Azərbaycan Prezidenti yanında Əfv Məsələləri Komissiyasının sonuncu iclası keçiriləcək.
1news.az-ın verdiyi xəbərə görə, iclasda komissiyaya daxil olan növbəti müraciətlərə baxılacaq.
Bununla da komissiya növbəti əfv sərəncamının imzalanması üzrə işini yekunlaşdıracaq.
Qeyd edək ki, indiyədək komissiyada baxılan müraciətlərin sayı 950-dən çoxdur.
