Milli Paralimpiya Komitəsində “Tokio 2020” XVI Yay Paralimpiya Oyunlarına hazırlıq davam etdirilir | 1news.az | Xəbərlər
İdman

Milli Paralimpiya Komitəsində “Tokio 2020” XVI Yay Paralimpiya Oyunlarına hazırlıq davam etdirilir

14:55 - 22 / 04 / 2021
Milli Paralimpiya Komitəsində “Tokio 2020” XVI Yay Paralimpiya Oyunlarına hazırlıq davam etdirilir

Milli Paralimpiya Komitəsi Tokio 2020 Paralimpiya Oyunlarına hazırlığın son mərhələsinə başlayıb. Bununla bağlı Milli Paralimpiya Komitəsində prezident İlqar Rəhimovun sədrliyi ilə iclas keçirilmişdir.

1news.az xəbər verir ki, iclas zamanı İ.Rəhimov Komitə əməkdaşlarına hazırlıqla bağlı müvafiq tapşırıqlar vermiş və eyni zamanda Tokio 2020 Yay Paralimpiya Oyunlarında iştirak edəcək Azərbaycan komandasının şef-de missionu və onun müavinlərini təyin edilmişdir. Komitə prezidentinin qərarına əsasən Rauf Mürsəlov komandanın şef-de-missionu, Elxan Rəhimov, Azər Tapdıqov və Leyli Yusifli şef-de-missionun müavinləri təyin ediliblər.

Tokio 2020 XVI Yay Paralimpiya Oyunlarında iştirak edəcək Azərbaycan komandasının rəhbər heyəti:

Mürsəlov Rauf Dadaş oğlu 1987-ci ildə Bakı şəhərində anadan olub. 2009-cu ildə ali təhsilini Azərbaycan Dövlət İqtisad Universitetində tamamlamışdır. 2011-ci ildən Milli Paralimpiya Komitəsində İdman şöbəsində fəaliyyətə başlamış, hal-hazırda isə komitənin İdman şöbəsinin müdiridir. 2012 və 2016 Yay Paralimpiya Oyunlarında nümayəndə heyətinin üzvü və dəfələrlə Dünya və Avropa çempionatlarında komanda rəhbəri olmuşdur. Azərbaycan, rus və ingilis dillərində sərbəst danışır. Ailəlidir, iki övladı var.

Rəhimov Elxan İlqar oğlu 1992-ci ildə dekabrın 11-də Bakı şəhərində anadan olmuşdur. Uşaqlıqdan atletika, boks idman növləri ilə məşğul olub. 2010-cu ildə Bakı Dövlət Universitetinin Şərqşünaslıq fakültəsinə daxil olub. Magistr təhsilini İsveçrənin Geneva şəhərində Webster Universitetində Beynəlxalq münasibətlər ixtisası üzrə başa vurmuşdur. Rus, ingilis, fransız və türk dillərini bilir. Hal hazırda ikinci ixtisas üzrə Naxçıvan Dövlət Universitetində tələbədir, Hüquq fakültəsində təhsil alır. 2004, 2008, 2012, 2016-cı illərdə keçirilən Yay Paralimpiya Oyunlarında Azərbaycan heyətinin üzvü olub. Əmək fəaliyyətinə 2016-cı ildə Əmək və Əhalinin Sosial Müdafiəsi Nazirliyində məsul vəzifələrində çalışaraq başlamışdır. 2018-ci ildən Konstitusiya Məhkəməsində Beynəlxalq hüquq və beynəlxalq əməkdaşlıq şöbəsində məsləhətçi vəzifəsində çalışır. Ailəlidir, iki övladı var.

Tapdıqov Azər Elçin oğlu 01 dekabr 1993-cü ildə Şabran rayonunda anadan olmuşdur. 2011-ci ildə Bakı şəhərində 63 saylı orta məktəbi bitirdikdən sonra Baltik Beynəlxalq Akademiyasında təhsil alıb. 2015-ci ildən Komitədə İctimaiyyətlə əlaqələr və marketinq, Beynəlxalq əlaqələr və idman şöbələrində aparıcı mütəxəssis vəzifəsində çalışıb. Hal hazırda Komitənin mətbuat katibidir. Rio 2016 XV Yay Paralimpiya Oyunları və “IBSA JUDO GRAND PRIX BAKU 2019” yarışında mətbuat əlaqələndiricisi funksiyanı yerinə yetirib. Bir çox beynəlxalq paralimpiya yarışlarında komanda rəhbəri olmuşdur. İngilis və rus dillərini bilir.

Yusifli Leyli Arzu qızı 29 noyabr 1995-ci ildə Bakı şəhərində anadan olmuşdur. 2017-ci ildə bakalavr təhsilini Azərbaycan Dövlət İqtisad Universitetinin Beynəlxalq münasibətlər ixtisasını, magistr təhsilini isə 2019-cu ildə Bakı Dövlət Universitetinin Beynəlxalq münasibətlər və diplomatiya ixtisasında fərqlənmə ilə bitirmişdir. 2018-ci ildən Milli Paralimpiya Komitəsində müxtəlif vəzifələrdə çalışıb. Hazırda Komitənin İdman şöbəsində aparıcı mütəxəssisdir. Müxtəlif paralimpiya idman növləri üzrə milli komandaların təlim-məşq toplantıların rəhbəri olmuşdur. İngilis, rus, türk dillərini bilir.

Paylaş:
240

Son xəbərlər

Bakı Apellyasiya Məhkəməsinə yeni hakimlər təyin edilir - SİYAHIBu gün, 12:23Müdafiə nazirinin müavini təlimlərin gedişi barədə məruzələri dinləyib - FOTOBu gün, 12:12“Xarıbülbül festivalı Azərbaycanın qələbəsinin təntənəsidir”- Mənsum İbrahimovBu gün, 12:00Muğanlı-İsmayıllı-Qəbələ yolunun ilk 14 kilometrlik hissəsinin tikintisinə başlanılıb - FOTOBu gün, 11:29Belarusun Müdafiə naziri Azərbaycana rəsmi səfərə gəlibBu gün, 11:21Yığ – apar! Maxi.az – FOTO – VİDEOBu gün, 11:10Xırdalanda vaqon yanıb – YENİLƏNİBBu gün, 11:03Mədəniyyət naziri Şuşadan foto paylaşdı - 36 il fərqlə - FOTOBu gün, 11:00Bakıda film kimi hadisə: gənc oğlandan ağılagəlməz hiyləBu gün, 10:49Ombudsmandan “İnsan Hüquqları Aylığı” ilə MÜRACİƏTBu gün, 10:41Təlimlərdə PUA heyətləri təlim tapşırıqlarını icra edir - VİDEOBu gün, 10:11Azərbaycan Prezidenti bölgədə münaqişə sonrası vəziyyəti müsbət qiymətləndiribBu gün, 10:04ABŞ Prezidentinin müşaviri Azərbaycan Prezidentinə zəng edibBu gün, 09:49“Eurovision-2021”də Azərbaycan olan səsverməni bu şəxslər elan edəcək - ADLARBu gün, 09:33Manatın xarici valyutalara qarşı rəsmi məzənnəsiBu gün, 09:31Hikmət Hacıyev Brüsseldə Avropa İttifaqı komissarı ilə görüşübBu gün, 09:28Bu gündən Azərbaycanda “Sputnik V” peyvəndinin tətbiqinə başlanılırBu gün, 09:19Məktəblərin qismən açılması və tədrisin ənənəvi qaydada bərpası - “Çıxışa doğru”da MÜZAKİRƏ – FOTO – VİDEOBu gün, 09:11Dolların sabaha olan rəsmi məzənnəsi açıqlanıb17 / 05 / 2021, 18:01Separatçılar hərbi təlimlərə başladılar - müharibə ehtimalı artır17 / 05 / 2021, 17:58
Bütün xəbərlər

Next TV