Ombudsmandan “İnsan Hüquqları Aylığı” ilə MÜRACİƏT | 1news.az | Xəbərlər
Cəmiyyət

Ombudsmandan “İnsan Hüquqları Aylığı” ilə MÜRACİƏT

Qafar Ağayev10:41 - 18 / 05 / 2021
Ombudsmandan “İnsan Hüquqları Aylığı” ilə MÜRACİƏT

Azərbaycan Respublikasının İnsan Hüquqları üzrə Müvəkkilinin (Ombudsmanın) “İnsan Hüquqları Aylığı”nın elan olunması ilə bağlı müraciət ünvanlayıb.

1news.az-ın məlumatına görə, müraciətdə deyilir:“Ümummilli Lider Heydər Əliyevin 1998-ci il 18 iyun tarixli Sərəncamı ilə ölkəmizdə insan hüquqları sahəsində ilk strateji dövlət sənədi olan “İnsan hüquqlarının müdafiəsinə dair Dövlət Proqramı” təsdiq edilmişdir və ölkə başçısı cənab İlham Əliyevin 2007-ci il 18 iyun tarixli Sərəncamına əsasən, hər il iyunun 18-i Azərbaycanda İnsan Hüquqları Günü kimi qeyd olunur.
Bu əlamətdar gün ərəfəsində Ombudsmanın təşəbbüsü əsasında ənənəvi olaraq hər il 18 may – 18 iyun tarixlərində “İnsan Hüquqları Aylığı” elan olunur.
Aylığın keçirilməsində məqsəd insan hüquqlarının müdafiəsi və təbliği sahəsində həyata keçirilən fəaliyyəti gücləndirmək, əldə olunmuş nailiyyətlər barədə ictimaiyyəti məlumatlandırmaq, mövcud problemlərin aradan qaldırılması ilə bağlı qarşıda duran vəzifələri müəyyən etmək, habelə əhalinin hüquq düşüncəsini və hüquq mədəniyyətini inkişaf etdirmək, ayrı-seçkiliyin yolverilməzliyininin zəruriliyini diqqətə çatdırmaqdır.
Aidiyyəti dövlət qurumlarının, mərkəzi və yerli icra hakimiyyəti orqanlarının, elm-təhsil müəssisələrinin, vətəndaş cəmiyyəti institutlarının, o cümlədən qeyri-hökumət təşkilatlarının və kütləvi informasiya vasitələrinin də qoşulduğu aylıq çərçivəsində insan hüquqlarının təmini və təbliği istiqamətində silsilə tədbirlər həyata keçirilir”.

Müraciətdə qeyd olunub ki, ötən dövr ərzində əldə olunmuş təcrübə göstərir ki, aylıq çərçivəsində əhalinin hüquq düşüncəsinin və hüquq mədəniyyətinin inkişaf etdirilməsi məqsədilə təşkil edilən tədbirlər onların hüquqi cəhətdən maarifləndirilməsində mühüm rol oynayıb:“2020-ci ildən etibarən Ümumdünya Səhiyyə Təşkilatı tərəfindən elan olunmuş qlobal pandemiya olan COVID-19 infeksiyasının qarşısının alınması istiqamətində tədbirlər dövlət və cəmiyyətdən, bütövlükdə ayrı-ayrı insanlardan həmrəylik, birgə əməkdaşlıq və məsuliyyət tələb edir. Odur ki, ölkəmizdə bu infeksiyanın geniş yayılmasının qarşısının alınması istiqamətində profilaktik və mübarizə xarakterli təxirəsalınmaz sosial izolyasiya tədbirlərinin həyata keçirilməsi ilə xüsusi karantin rejimi davam etdirilməkdədir.

Yeri gəlmişkən, dövlət və yerli özünüidarə orqanları, vəzifəli şəxslər tərəfindən pozulan insan hüquqları və azadlıqlarının bərpa edilməsi istiqamətində görülən işlərlə yanaşı, Konstitusiya Qanunu ilə müəyyən edilmiş hallarda insan hüquqları pozuntularının qarşısının alınması üçün əhalinin hüquq düşüncəsinin inkişaf etdirilməsinə yönəlmiş hüquqi maarifləndirmə işinə də xüsusi diqqət yetirən Ombudsmanın Aparatı və regional mərkəzləri də bu istiqamətdəki fəaliyyətini ölkədə mövcud olan sanitar-epidemioloji vəziyyəti nəzərə alaraq, canlı təmas olmadan, onlayn formatda aparır.

Qeyd olunanları ümumiləşdirərək və 2021-ci ilin 18 may - 18 iyun tarixlərini ölkədə “İnsan Hüquqları Aylığı” elan edərək, dövlət qurumlarını, yerli özünüidarə orqanlarını, vətəndaş cəmiyyəti institutlarını, o cümlədən qeyri-hökumət təşkilatları və kütləvi informasiya vasitələrini təşəbbüsümüzə qoşulmağa dəvət edirəm.
Bununla əlaqədar, xüsusi karantin rejimi qaydalarına ciddi əməl etməklə onlayn formatda hüquqi maarifləndirici görüşlərin, videokonfransların təşkil edilməsini, bu mövzuya həsr olunmuş müxtəlif sosial çarxların hazırlanmasını bir daha tövsiyə edir, kütləvi informasiya vasitələrində və sosial şəbəkələrdə insan hüquqlarının təbliğinə dəstək verməyə, insanların müraciətlərinə operativ şəkildə baxılması və pozulmuş hüquqlarının bərpası məsələlərinə daha da həssas yanaşmağa, bu istiqamətdə səmərəli əməkdaşlığa çağırıram”.

Paylaş:
54

Son xəbərlər

Azərbaycan 15 ermənini verib 97 min mina xəritəsini aldı12 / 06 / 2021, 19:43Qaydaları pozan sahibkarlar cərimələndi12 / 06 / 2021, 18:04Ceyhun Bayramov Birləşmiş Krallığın nümayəndə heyəti ilə görüşüb12 / 06 / 2021, 17:56Səudiyyə Ərəbistanı əcnəbi zəvvarlara Həcc ziyarətini qadağan edib12 / 06 / 2021, 17:50Cənub Okeanı beşinci okean kimi rəsmən təsdiqləndi12 / 06 / 2021, 17:39Müəllimlərin iş yerinin dəyişdirilməsi müsabiqəsinin nəticəsi açıqlandı12 / 06 / 2021, 17:12Azərbaycanda son sutkada koronavirusa yoluxanların sayı açıqlandı - STATİSTİKA12 / 06 / 2021, 16:45İlham Əliyev: Əgər Ermənistan müharibə istəyirsə, ötən ilin payızındakı eyni nəticəni əldə edəcək12 / 06 / 2021, 16:41Bakıdan Ağdama qədər: Azərbaycanın futbol arenaları – VİDEO12 / 06 / 2021, 16:24Azərbaycan Prezidenti: Ermənistan bizə basdırdıqları bütün yüz minlərlə minaların xəritəsini verməlidir12 / 06 / 2021, 16:17Yol polisi Bakı sakinlərinə müraciət etdi: Bu küçələr bağlıdır12 / 06 / 2021, 16:00Prezidenti İlham Əliyev Çingiz Qacarın ölümü ilə bağlı nekroloq imzalayıb12 / 06 / 2021, 15:52Prezident İlham Əliyev on ölkənin Azərbaycanda yeni təyin olunmuş qeyri-rezident səfirlərinin etimadnamələrini qəbul edib - FOTO - YENİLƏNİB12 / 06 / 2021, 15:39Babəkin heykəlinin Bakıda ucaldılmasının gecikmə səbəbləri açıqlanıb12 / 06 / 2021, 15:15İlham Əliyev İtaliyanın Azərbaycanda yeni təyin olunmuş səfirinin etimadnaməsini qəbul edib - YENİLƏNİB12 / 06 / 2021, 14:40"Matç TV" şərhçisi Azərbaycan qanunlarını pozmamalı idi - Jurnalist12 / 06 / 2021, 14:28Qacar nəslindən olan Akademik Çingiz Qacar vəfat etdi - II Fəxri xiyabanda torpağa tapşırılacaq12 / 06 / 2021, 13:50Bakıda yaşayış binasına atəş açan keçmiş məhkum saxlanılıb12 / 06 / 2021, 13:15Professor Aygün Attarın “Qarabağ Zəfəri - 44 günün pərdəarxası” adlı kitabı Türkiyədə işıq üzü gördü - FOTO12 / 06 / 2021, 12:54Sabahın havası: 34 dərəcə isti olacaq12 / 06 / 2021, 12:12
Bütün xəbərlər

Next TV