Bakıda sürücünü döyərək öldürən şəxslər tutulub

Daxili İşlər Nazirliyi Bakıda sürücünün döyülərək öldürülməsi barədə məlumat yayıb.

DİN-in mətbuat xidmətindən 1news.az-a verilən məlumata görə, Nərimanov RPİ-nin 17-ci Polis Şöbəsinə iyunun 24-də saat 19 radələrində A.M.Cümə küçəsində “Chevrolet” markalı avtomobilin sürücüsü, Bakı şəhər sakini K.Məmmədovun, sərnişinləri N.Canıyev və M.Abıyevin xuliqanlıq zəminində Səxavət Məmmədovu döymələri nəticəsində onun hadisə yerində ölməsi barədə məlumat daxil olub.
Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində bu cinayət əməlini törətməkdə şübhəli bilinən K.Məmmədov, N.Canıyev və M.Abıyev saxlanılıblar.

Faktla əlaqədar cinayət işi başlanıb.